Копыскі раён

Копыскі раён
Краіна	СССР
Уваходзіць у	Беларуская ССР
Адміністрацыйны цэнтр	Копысь
Дата ўтварэння	17 ліпеня 1924
Дата скасавання	8 ліпеня 1931

Ко́пыскі раён — адміністрацыйна-тэрытарыяльная адзінка БССР у 1924—1931 гадах. Цэнтр — мястэчка Копысь.

Раён утвораны 17 ліпеня 1924 года ў складзе Аршанскай акругі БССР. 20 жніўня 1924 года падзелены на 9 сельсаветаў: Александрыйскі, Дубраўскі, Зубаўскі, Копыскі, Маслакоўскі, Мікіцініцкі, Славенскі (Вялікаславенскі), Старасельскі, Якаўлевіцкі. 24 верасня 1926 года Копыскі сельсавет скасаваны. Пасля скасавання акруговага падзелу 26 ліпеня 1930 года раён у прамым падпарадкаванні БССР. 8 ліпеня 1931 года раён скасаваны: Маслакоўскі сельсавет перададзены Горацкаму раёну; Дубраўскі, Зубаўскі і Якаўлевіцкі сельсаветы — Аршанскаму раёну; Старасельскі сельсавет — Талачынскаму раёну; Александрыйскі, Мікіцініцкі і Славенскі (Вялікаславенскі) сельсаветы — Шклоўскаму раёну. 25 ліпеня 1931 года мястэчка Копысь перададзена Аршанскаму раёну.

Літаратура

• Административно-территориальное устройство БССР: справочник: в 2 т. / А.И. Карпачева и др. / Главное архивное управление при Совете Министров БССР, Институт философии и права Академии наук БССР. — Т. 1: (1917―1941 гг.). — Мн., «Беларусь», 1985. — 390 с.
• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).