Раман Навумавіч Мачульскі

Раман Навумавіч Мачульскі
Старшыня Брэсцкага аблвыканкама студзень 1954 — сакавік 1959
Кіраўнік урада	Кірыл Мазураў Мікалай Аўхімовіч
Папярэднік	Мірон Крыштафовіч
Пераемнік	Васіль Луцкін
Першы сакратар Пінскага абласнога камітэта КП Беларусі 1950 — студзень 1954
Кіраўнік урада	Аляксей Кляшчоў Кірыл Мазураў
Папярэднік	Пётр Цецюшаў
Пераемнік	пасада скасаваная
Старшыня Мінскага аблвыканкама 20 ліпеня 1944 — 1948
Кіраўнік урада	Панцеляймон Панамарэнка Аляксей Кляшчоў
Папярэднік	Фёдар Сіляеў
Пераемнік	Мікіта Парашчанка
Нараджэнне	30 лістапада 1903(1903-11-30) Крываносы, Бабруйскі павет, Мінская губерня, Расійская імперыя
Смерць	26 красавіка 1990(1990-04-26) (86 гадоў) Мінск, БССР, СССР
Месца пахавання	Усходнія могілкі
Партыя	КПСС
Прыналежнасць	СССР
Род войскаў	Савецкі партызанскі рух
Званне	палкоўнік
Бітвы	Вялікая Айчынная вайна Другая сусветная вайна
Узнагароды

Рама́н Наву́мавіч Мачу́льскі (30 лістапада 1903 — 25 красавіка 1990) — адзін з арганізатараў і кіраўнікоў партызанскага падполля і партызанскага руху ў Беларусі. Герой Савецкага Саюза (1944).

Біяграфія

Скончыў Рэспубліканскую школу прапагандыстаў пры ЦК КП(б)Б (1937). З 1937 года на партыйнай рабоце ў Грэску, Чэрвені, Плешчаніцах (Мінская вобласць).

У гады Вялікай Айчыннай вайны ўпаўнаважаны ЦК КП(б)Б у Мінскай і Палескай абласцях, сакратар Мінскага падпольнага абкома КП(б)Б, адзін з арганізатараў і кіраўнікоў злучэння партызанскіх атрадаў Мінскай і Палескай абласцей, камандзір партызанскага злучэння Барысаўска-Бягомльскай зоны Мінскай вобласці.

Пасля вайны знаходзіўся на партыйнай рабоце. У 1944—1948 гады — старшыня Мінскага аблвыканкама, з 1950 года першы сакратар Пінскага абкама КП(б)Б, у 1954—1959 гады — старшыня Брэсцкага аблвыканкама.

Член ЦК КПБ у 1949—1960 гады. Дэпутат Вярхоўнага Савета БССР у 1947—1955 гадах, Вярхоўнага Савета СССР у 1954—1962 гадах. Намеснік Старшыні Прэзідыума Вярхоўнага Савета БССР у 1947—1951 гадах.

Узнагароды

Званне Героя Савецкага Саюза прысвоена ў 1944 годзе за вялікія заслугі ў арганізацыі і развіцці партызанскага руху, мужнасць і гераізм, праяўленыя ў барацьбе супраць нямецка-фашысцкіх захопнікаў.

Узнагароджаны трыма ордэнамі Леніна, ордэнам Кастрычніцкай Рэвалюцыі, трыма ордэнамі Айчыннай вайны 1-й ступені, ордэнам Працоўнага Чырвонага Сцяга, медалямі.

Заслужаны работнік культуры БССР (1980)

Творы

Аўтар кніг «Вечный огонь» (1965), «Старонкі бессмяротнасці» (1972), «Люди высокого долга» (1975), «На огненной земле» (1983).

Памяць

У Мінску імя Р. Н. Мачульскага носіць сярэдняя школа № 104, яго імем названа вуліца, на доме, дзе ён жыў, устаноўлена мемарыяльная дошка. Занесены ў Кнігу Народнай Славы Старадарожскага раёна.

Літаратура

• Мачу́льскі Раман Навумавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 472. — 800 с. — 5 000 экз. — ISBN 985-11-0026-9.
• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 235. — 10 000 экз. — ISBN 985-11-0035-8. — ISBN 985-11-0169-9 (т. 10).
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2. (руск.)
• Всенародная борьба в Белоруссии. В 3 т. — Минск. «Беларусь». 1984. (руск.)
• Высшее партизанское командование Белоруссии 1941—1944. — Минск, 2009. (руск.)

Спасылкі

• Мачульский Роман (руск.) // Праект «Партизаны Беларуси»
• Герой Советского Союза Роман Наумович Мачульский (руск.) // Беларускі дзяржаўны музей гісторыі Вялікай Айчыннай вайны
• УЛИЦА ИМЕНИ… Мачульский(недаступная спасылка) (руск.) // Агенцтва «Минск-Новости»