Чан’э-6
 | Артыкул апісвае бягучыя падзеі. |
| Чан’э-6 | |
|---|---|
| Заказчык | CNSA |
| Задачы | вывучэнне Месяца |
«Чан’э-6» (кіт.: 嫦娥六号) — кітайская аўтаматычная міжпланетная станцыя для вывучэння Месяца. Місія «Чан’э-6» заключаецца ў зборы і вяртанні ўзораў грунту са зваротнага боку Месяца і з’яўляецца першым у сваім родзе пачынаннем у гісторыі даследавання спадарожніка Зямлі чалавецтвам.
Місія[правіць | правіць зыходнік]
Ракета-носьбіт «Чанчжэн-5 Y8» з месяцовым зондам «Чан’э-6» на борце стартавала з касмадрома Вэньчан на ўзбярэжжы вострава Хайнань 3 мая 2024 года.
Зонд «Чан’э-6» складаецца з арбітальнага, пасадачнага, узлётнага і модуля, які вяртаецца. У рамках місіі таксама маюць быць дастаўлены чатыры віды замежнай карыснай нагрузкі. На борце пасадачнага модуля «Чан’э-6» знаходзяцца навуковыя прыборы з Францыі, Італіі і Еўрапейскага касмічнага агенцтва, а на борце арбітальнага апарата — невялікі спадарожнік з Пакістана.
Ударны кратэр, вядомы як басейн Апалона, размешчаны ў басейне Паўднёвы полюс — Эйткен на адваротным баку Месяца, быў абраны ў якасці асноўнай мэты для пасадкі і збору ўзораў у рамках місіі «Чан’э-6». Пасля пасадкі на працягу 48 гадзін рабатызаваная рука мае выкарыстоўвацца для збору камянёў і грунта з паверхні Месяца, будзе праводзіцца свідраванне. Адначасова з гэтым будуць весціся навуковыя даследаванні.
Пасля ўзоры, змешчаныя ў кантэйнер, узлётны апарат на калямесяцовай арбіце мае даставіць на модуль, які прызямліцца ва Унутранай Манголіі. Чакаецца, што ўся місія працягнецца каля 53 дзён.