Выбары ў Каардынацыйную раду (2024)

Размеркаванне мандатаў у Каардынацыйнай Радзе III-га склікання па выніках выбараў:      Спіс «Воля»: 6 мандатаў      Спіс «Еўрапейскі выбар»: 8 мандатаў      Спіс «Наша справа»: 6 мандатаў      Спіс «Незалежныя беларусы»: 8 мандатаў      Спіс «Блок Пракоп’ева — Ягорава»: 13 мандатаў      Спіс «Каманда Латушкі і Рух "За свабоду"»: 28 мандатаў      Спіс «Хопіць баяцца»: 3 мандаты      Спіс «Моладзевы наступ»: 8 мандатаў

Выбары ў Каардынацыйную раду Беларусі ІІІ склікання прайшлі 25—27 мая 2024 года.

Першы склад Каардынацыйнай рады быў сфарміраваны ў жніўні 2020 года для пераадолення палітычнага крызісу ў краіне пасля сфальсіфікаваных прэзідэнцкіх выбараў. У кастрычніку 2022 года Каардынацыйная рада была рэфармаваная, у яе склад увайшлі 115 членаў. Трэці склад Каардынацыйнай рады было вырашана выбраць праз выбары.

Ход кампаніі

З 7 па 28 сакавіка 2024 года была сфарміраваная выбарчая камісія па правядзенні выбараў. У яе склад увайшлі Алена Прыходзька (старшыня), Андрэй Атаманчук, Яраслаў Бекіш, Дзмітрый Лазавік, Альвіна Мінгазава і Алена Філатава.

З 1 красавіка па 15 красавіка былі сфарміраваныя спісы выбарчых суб’ектаў. 15 красавіка адбылася падача на рэгістрацыю ў выбарчую камісію, якая доўжылася да 22 красавіка. Лідар спіса выбарчага суб’екта мусілі запоўніць Форму першаснай падачы заяўкі. Пасля спісы былі перададзены на верыфікацыю ў Выбарчую камісію. Прынятае рашэнне Выбарчай Камісіі паступілі на электронную пошту лідара спіса.

З 25 красавіка да 25 мая прайшла агітацыя.

20 мая была апублікавана платформа Belarus ID, для бяспечнай верыфікацыі чалавека і галасавання анлайн. З прычын бяспекі для людзей унутры Беларусі будзе апублікавана вэб-версія.

22 мая лідар выбарчнага спісу «Закон і правапарадак» Аляксандр Азараў праз бот плана «Перамога» разаслаў заклікі галасаваць на выбарах і падтрымаць ягоны спіс. Гэтыя дзеянні былі ўспрыняты як злоўжыванне, якое можа паставіць пад пагрозу людзей унутры Беларусі. Святлана Ціханоўская заявіла, што рассылка не была ўзгодненая ні з яе Офісам, ні з Аб’яднаным пераходным кабінетам, таму Азарава пазбавілі доступу да чат-боту плана «Перамога». 23 мая сітуацыю з рассылкай Азаравым паведамлення праз чат-бот разглядзела Выбарчая камісія па выбарах у Каардынацыйную раду. Сябры камісіі прынялі рашэнне зняць з выбараў увесь спіс «Закон і правапарадак», калі Аляксандра Азараў добраахвотна не адмовіцца балатавацца ў Каардынацыйную раду. Раніцай наступнага дня спіс «Закон і правапарадак» адмовіўся прыняць ультыматум Выбарчай камісіі. Следам на пасяджэнні камісіі было прынята рашэнне зняць з гонкі ўвесь спіс «Закон і правапарадак».

Выбары ў Каардынацыйную раду пачаліся 25 мая і працягвалі 3 дні — да 23:59 27 мая. Галасаваць на выбарах у КР можна было толькі з наяўным пашпартам грамадзяніна Беларусі незалежна ад тэрміну дзеяння. Усяго на выбарах прагаласавалі 6723 чалавекі.

Першапачаткова абяцалася, што першыя вынікі будуць аб’яўлены не пазней за 29 мая, аднак, папярэднія вынікі былі абвешчаны адразу пасля галасавання. 28 мая, на наступны дзень пасля галасавання, Выбарчая камісія паведаміла, што памылкова спісу «Наша справа» адзін мандат, які мусіў дастацца спісу «Моладзевы наступ».

На падачу і разгляд скаргаў закладзены перыяд з 29 мая па 8 чэрвеня. Канчатковыя вынікі выбараў будуць агалошаны 8 чэрвеня 2024 года.

Першае пасяджэнне Каардынацыйнай рады ІІІ склікання адбудзецца 15 чэрвеня 2024 г.

Вынікі выбараў

Выбарчы спіс	Колькасць галасоў	Працэнт галасоў	Колькасць атрыманых месцаў у КР (папярэднія вынікі)
Салідарнасць	104	1,55 %	не пераадолеў мінімальны парог
Блок «Воля»	432	6,43 %	6
Еўрапейскі выбар	605	9,00 %	8
Наша справа	489	7,27 %	6
Закон і правапарадак	зняты з выбараў
Голас дыяспар Адзінства па-над межамі	184	2,74 %	не пераадолеў мінімальны парог
Незалежныя беларусы	616	9,16 %	8
Блок Пракоп’ева — Ягорава	1050	15,62 %	13
Каманда Паўла Латушкі і рух «За Свабоду»	2358	35,07 %	28
Хопіць Баяцца!	226	3,36 %	3
Краіна для жыцця	61	0,91 %	не пераадолеў мінімальны парог
Моладзевы наступ	598	8,89 %	8

Пераслед удзельнікаў

3 мая 2024 года КДБ Беларусі прызнаў «экстрэмісцкім фарміраваннем» кааліцыю "Каманда Латушкі і Рух «За Свабоду», якая бярэ ўдзел у выбарах у Каардынацыйную раду. 10 мая «экстрэмісцкімі фарміраваннямі» прызнаныя спісы кандыдатаў «Закон і парадак», «Еўрапейскі выбар», «Моладзевы наступ» і «Воля», 16 мая — ўсе астатнія.

25 мая Следчы камітэт Беларусі паведаміў, што завёў крымінальныя справы супраць усіх 257 чалавек, якія балатуюцца ў Каардынацыйную раду, па артыкулах аб змове з мэтай захопу ўлады, закліках да дзеянняў супраць нацыянальнай бяспекі, стварэнні «экстрэмісцкага» фарміравання і садзейнічанні «экстрэмісцкай» дзейнасці (артыкулы 357, 361, 361-1 і 361-4 КК).

Выбарчыя спісы

Незалежныя беларусы

1. Максім Шабуцкі
2. Уладзіслаў Салавей
3. Сяргей Бяспалаў
4. Наталля Галаўчук
5. Аляксандра Васько
6. Станіслаў Гушча
7. Аляксандр Камісараў
8. Аляксандр Наўковіч
9. Кацярына Клімовіч
10. Карына Пацёмкіна
11. Алена Радзькова
12. Мікалай Бойка
13. Юлія Грэбень
14. Андрэй Гаўрылюк
15. Уладзіслаў Рымашэўскі
16. Дзіяна Германовіч
17. Юрый Доўнар

Закон і правапарадак

23 мая спіс зняты з выбараў па рашэнні Выбарчай камісіі.

1. Аляксандр Азараў
2. Аляксандр Ракіцкі
3. Іван Паўлоўскі
4. Юрый Каваленка
5. Алена Макар
6. Сяргей Макар
7. Станіслаў Лупаносаў
8. Андрэй Федараў
9. Ілля Данілаў
10. Паліна Лушчынская
11. Кацярына Макарава
12. Андрэй Манкевіч
13. Сяргей Пруднікаў
14. Алена Дзядзюля
15. Ягор Захараў
16. Крысціна Ціманоўская
17. Максім Васільеў
18. Філіп Дайнека
19. Дзмітрый Пяшэвіч
20. Ганна Федаронак

Аб’яднанне палітычных партый «Народная Грамада» і Беларуская хрысціянская дэмакратыя «Салідарнасць»

1. Яўген Вільскі
2. Георгій Дзмітрук
3. Яўген Дудкін
4. Аліна Смірнова
5. Алена Янушкоўская
6. Андрэй Зуеў
7. Сяргей Верамеенка

   Павел Бялюцін (выключаны 1 мая)

8. Марына Кіявец
9. Вольга Тышкевіч
10. Зміцер Лупач
11. Ігар Валяеў
12. Віталь Марока
13. Алена Шабуня
14. Таццяна Хмялеўская
15. Віталь Мезенцаў
16. Анатоль Семянтовіч
17. Таццяна Малашчанка
18. Вікторыя Хатэнка
19. Святлана Вішнеўская
20. Жанна Семянтовіч

Грамадскі рух «Краіна для жыцця»

1. Віталь Саўюк
2. Ева Сапрыгіна
3. Уладзімір Лаўранюк
4. Аляксандр Кавалёў
5. Ганна Івашкевіч
6. Аляксандр Салавей
7. Наталля Глазкова
8. Святлана Скакун
9. Валерый Панкратовіч
10. Сяргей Сасункевіч
11. Сяргей Жыбуртавіч
12. Васіль Скакун
13. Таццяна Жыбуртовіч
14. Анастасія Лейчанка
15. Арсень Салавей
16. Ірына Дудко
17. Кацярына Марэцкая

Каманда Паўла Латушкі і рух «За свабоду»

1. Павел Латушка
2. Юрый Губарэвіч
3. Уладзімір Астапенка
4. Наталля Задзяркоўская
5. Анжаліка Мельнікава
6. Аляксей Міхалевіч
7. Юлія Камінская
8. Арцём Шапараў
9. Кацярына Каланчук-Ваданосава
10. Андрэй Курэйчык
11. Арцём Брухан
12. Міхаіл Кірылюк
13. Рыта Гаціх
14. Ігар Сігаў
15. Ірына Халопіца
16. Алег Кулеша
17. Павел Батуеў
18. Алег Гарбуз
19. Аляксандра Ханевіч
20. Юлія Гурчонак
21. Надзея Крывашанава
22. Іна Дабратвор
23. Вольга Вялічка
24. Віталь Амяльковіч
25. Даша Кароль
26. Юрый Казакевіч
27. Яна Латушка
28. Надзея Сцепанцова
29. Яўгеній Малашук
30. Віталь Лакотка
31. Вольга Марозава
32. Мікалай Філонаў
33. Ян Гарадкоў
34. Аляксей Чаркас
35. Марыя Бабовіч
36. Яніна Яшчук
37. Алег Марозаў
38. Жанна Захаркевіч
39. Вольга Нікалайчык
40. Вадзім Бабін
41. Вольга Рытус
42. Вольга Скрашчук
43. Вольга Дубовік
44. Ала Цвірко
45. Алена Пуцыковіч
46. Валерый Сляпухін

Блок Пракоп’ева — Ягорава

1. Вадзім Пракоп’еў
2. Андрэй Ягораў
3. Аляксандр Кныровіч
4. Паліна Бродзік
5. Лізавета Кохман
6. Андрэй Кушняроў
7. Васіль Верамейчык
8. Таццяна Хоміч
9. Святлана Мацкевіч
10. Павел Патапаў
11. Марына (Калініна) Зялёная
12. Ян (Іван) Маркаў
13. Андрэй Жураўлеў
14. Аліна Харысава
15. Сяргей Стальмакоў
16. Міхаіл Мацкевіч
17. Сяргей Міхяёнак
18. Аляксандр Адамянц
19. Веста (Янусік) Свендсен
20. Іна Зайцава
21. Віктар Мароз
22. Станіслаў Салавей
23. Марыя Маляўка
24. Вольга Паўлава
25. Сяргей Бародзіч
26. Андрэй Судзілоўскі
27. Дзяніс Баранаў
28. Галіна Каткоўская
29. Дзмітрый Наскавец
30. Вольга Сар’янен
31. Вольга Пашкевіч
32. Яраслаў Гамолка (уключаны 1 мая)
33. Андрэй Колас
34. Віталь Цімошчанка
35. Таццяна Сафонава

Еўрапейскі выбар

1. Аляксандр Дабравольскі
2. Аліна Коўшык (Коўшык-Петшыкоўска) (уключана 1 мая)
3. Мікалай Халезін
4. Валерый Мацкевіч
5. Станіслава Гліннік
6. Аляксандра Мамаева
7. Уладзімір Шанцаў
8. Артур Фінькевіч
9. Павел Мар'еўскі
10. Марыя Яфімава
11. Веялета Бяліцкая
12. Віталь Гаўрук
13. Віталь Малчанаў
14. Юлія Сліўко
15. Уладзімір Кобец
16. Наталля Юроўская
17. Ілля Міхневіч
18. Яўген Андрэйчык
19. Аляксандр Карнышоў
20. Вольга Ермалаева Франка
21. Інэса Варахава
22. Зміцер Маракоў
23. Станіслаў Алейнічэнка
24. Андрэй Тупаўскі
25. Галіна Ляшкевіч
26. Аксана Баранава
27. Віктар Болдзін
28. Ірына Варачкова
29. Юры Палевікоў
30. Алена Болдзіна
31. Андрэй Сініца
32. Яўген Шаўрук
33. Алена Тупаўская
34. Сяргей Баранаў
35. Алена Малькевіч

Воля

Вадзім Кабанчук (выключаны 1 мая)

1. Аляксандр Кабанаў
2. Генадзь Манько
3. Сяргей Пятрухін
4. Карына Маліноўская
5. Ігар Турцэвіч
6. Максім Дзенісевіч
7. Аляксандр Клачко
8. Сяргей Кедышка
9. Ірына Савашынская
10. Сяргей Шалыгін
11. Дзмітрый Баранаў
12. Віталь Пацехін
13. Інга Судзілоўская
14. Павел Казлоў
15. Пётр Маркелаў
16. Міхаіл Бандарэнка
17. Максім Капран
18. Святлана Шаціліна
19. Святлана Анцілеўская

Аб’яднанне «Наша справа»

1. Роза Турарбекава
2. Анастасія Махамет
3. Віталь Рымашэўскі
4. Андрэй Лаўрухін
5. Аляксандр Паршанкоў
6. Павал Церашковіч
7. Лізавета Жучкова
8. Анастасія Копач
9. Уладзімір Далецкі
10. Канстанцін Акінчыц
11. Таццяна Шостак
12. Андрэй Жукавец (Лебядзінскі)
13. Віктар Скаскевіч
14. Яна Цыгалка

Моладзевы наступ

1. Лізавета Пракопчык
2. Маргарыта Ворыхава
3. Алана Гебрэмарыям
4. Аляксандр Лапко
5. Яўген Караулаў
6. Уладзіслаў Антаненка
7. Аляксандр Дойніч
8. Аляксандр Аўтушка-Сікорскі
9. Іван Краўцоў
10. Марыя Каленік
11. Дар'я Зышчук
12. Аляксандра Лагуноўская
13. Яўген Салохін
14. Алена Воўкава
15. Яўгенія Валатоўская

Голас дыяспар — адзінства па-над межамі

1. Надзея Нортан (Сычугова)
2. Раман Кісляк
3. Юлія Міцкевіч
4. Глеб Івашкевіч
5. Вольга Павук
6. Аляксандр Патрусаў
7. Вольга Бромэн
8. Аляксандр Бубен
9. Станіслава Цярэнцьева
10. Кацярына Максіменка
11. Юрый Шубскі
12. Маргарыта Свігла
13. Вольга Быцкевіч

Хопіць баяцца

1. Таццяна Мартынава
2. Іван Лявіцкі
3. Вольга Карпушонак
4. Міхаіл Рубін
5. Ірына Лучыновіч
6. Аляксей Маліноўскі
7. Вольга Лешчанка
8. Сцяпан Сцепаненка
9. Лола Каломенцава
10. Яўген Анкудзінаў
11. Аляксандра Нізамава
12. Іван Падрэз
13. Алена Бачыла
14. Дзмітрый Бачыла

Ацэнкі

Выданне «Наша Ніва» заявіла, што лабісты выбараў хацелі стварыць цэнтр, альтэрнатыўны Святлане Ціханоўскай, а праз малую колькасць удзельнікаў атрымалі дыскрэдытацыю ўсёй апазіцыі як такой. Былі выказаны апасенні, што назіральнікі звонку могуць успрыняць такі вынік як праяву крайняй слабасці беларускай апазіцыі і дыяспары ў цэлым.