Актыўна-пасіўны рахунак

Актыўна-пасіўныя рахункі — рахункі, на якіх адлюстроўваюцца адначасова і маёмасць арганізацыі (як на актыўных рахунках), і крыніцы яе фармавання (як на пасіўных рахунках).

Актыўна-пасіўныя рахункі бываюць двух відаў:

• з аднабаковым сальда (дэбетавае або крэдытовае)
• з двухбаковым сальдам (дэбетавае і крэдытовае адначасова).

Рахункам з аднабаковым сальдам з'яўляецца рахунак 99 «Прыбылі і страты». Калі ў прадпрыемства сумы прыбыткаў перавысілі сумы выдаткаў, то розніца паміж імі дае прыбытак, таму сальда рахунка будзе крэдытовым (бо крэдытовы зварот будзе больш за дэбетавы). Прыбытак з'яўляецца крыніцаю фармавання маёмасці і адлюстроўваецца ў пасіве балансу. Калі ўзнікаюць страты, тое сальда па рахунку будзе дэбетавым (бо дэбетавы зварот перавышае крэдытовы).

Да актыўна-пасіўных рахункаў з двухбаковым разгорнутым сальдам адносіцца рахунак 76 «Разлікі з рознымі дэбіторамі і крэдыторамі». Сальда па дэбету гэтага рахунка азначае дэбіторскую запазычанасць, а сальда па крэдыту — крэдыторскую. Запісы па дэбеце гэтага рахунку могуць мець наступнае значэнне: або павелічэнне дэбіторскай запазычанасці, або памяншэнне крэдыторскай запазычанасці; запісы па крэдыце гэтага рахунку могуць мець наступнае значэнне: або павелічэнне крэдыторскай запазычанасці, або памяншэнне дэбіторскай запазычанасці.

Глядзіце таксама

• План рахункаў
• Падвойны запіс
• Актыўны рахунак
• Пасіўны рахунак

Літаратура

• Кондраков Н. П. Бухгалтерский учёт. Учебное пособие. — 4-е изд., перераб. и доп. — М.: Инфра-М, 2004. — С. 39. — (Серыя «Высшее образование»). — ISBN 5-16-000800-4.