Антаніна Лявонцьеўна Зубкова

Антаніна Лявонцьеўна Зубкова
Дата нараджэння	12 кастрычніка 1920(1920-10-12)
Месца нараджэння	Семіён[d], Ражскі павет[d], Разанская губерня, РСФСР
Дата смерці	13 лістапада 1950(1950-11-13) (30 гадоў)
Месца смерці	Масква, РСФСР, СССР
Месца пахавання	Ваганькаўскія могілкі
Альма-матар	механіка-матэматычны факультэт МДУ[d]
Месца працы	Ваенна-паветраная інжынерная акадэмія імя М. Я. Жукоўскага[d]
Грамадзянства	СССР
Прыналежнасць	СССР
Род войскаў	Ваенна-паветраныя сілы СССР
Званне	капітан
Бітвы/войны	Усходнееўрапейскі тэатр ваенных дзеянняў Другой сусветнай вайны
Узнагароды і званні
Медыяфайлы на Вікісховішчы

Антаніна Лявонцьеўна Зубкова (12 кастрычніка 1920, Разанская губерня — 13 лістапада 1950, Масква) — савецкі штурман пікіруючага бамбавіка, гвардыі капітан, Герой Савецкага Саюза (1945).

Нарадзілася 12 кастрычніка 1920 г. у сяле Семіён Ражскага павета Разанскай губерні ў сялянскай сям’і. Руская.

Пасля заканчэння сярэдняй школы з залатым медалём у 1938 годзе без экзаменаў паступіла на механіка-матэматычны факультэт МДУ. Ва ўніверсітэце была камсоргам вучэбнай групы. Вучылася на адным курсе з іншымі будучымі вядомымі лётчыцамі Вялікай Айчыннай вайны: Еўдакіяй Пасько, Яўгеніяй Рудневай, Кацярынай Рабавай.

Ваявала на франтах Вялікай Айчыннай вайны з красавіка 1943 года, штурман эскадрыллі палка. Удзельнічала ў складзе гэтага палка ў абароне Сталінграда, баях па прарыве Блакітнай лініі на Кубані (у гэты перыяд вайны была ўзнагароджана першым ордэнам — Чырвонай зоркі), затым у Крыме. У далейшым полк пераляцеў на Заходні фронт і вёў наступ у Беларусі, Прыбалтыцы і Усходняй Прусіі.

З 1944 года член УКП(б)/КПСС.

Жыла ў Маскве. Скончыла жыццё самагубствам (паводле іншых звестак — загінула ў аўтакатастрофе) 13 лістапада 1950 года. Пахаваная на Ваганькаўскіх могілках (20 участак).