Гарадоцкі замак

Гарадоцкі замак — бастыённы замак, які існаваў з 1-й паловы XVII ст. у горадзе Гарадок Віцебскай вобласці.

Замак быў пабудаваны на тэрасе правага берагу ракі Гаражанка. Меў форму пяцікутніка. Замак быў умацаваны валам і ровам. Роў меў шырыню да 16 метраў (яго рэшткі захаваліся з паўночнага, усходняга і часткова заходняга бакоў замчышча). З паўночна-заходняга боку знаходзілася балота, з якога выцякаў ручай у абарончы роў. Бастыёны замка знаходзіліся на адлегласці 20 метраў адзін ад аднаго (іх рышткі выяўлены у паўночнай і ўсходняй частках замчышча).

Замчышча даследаваў ў 1981 годзе М. А. Ткачоў.

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш — Мінск: БелЭн, 1997. — Т. 5. — С. 45. — 576 с. — 10 000 экз. — ISBN 985-11-0090-0.
• Татаринов Ю. А. Города Беларуси. Витебщина / Юрий Татаринов — Мінск: Энциклопедикс, 2006. — С. 78, 79. — 208 с. — 500 экз. — ISBN 985-6742-36-6.

У Сеціве

• Гісторыя Гарадка