Карп

? Карп
Навуковая класіфікацыя
Царства:	Жывёлы
Тып:	Хордавыя
Атрад:	Карпападобныя
Сямейства:	Карпавыя
Род:	Карпы
Від:	Сазан
Падвід:	Карп
Навуковая назва
Cyprinus carpio carpio Linnaeus, 1758
Сістэматыка на ВікіВідах Выявы ў ВікіСховішчы ITIS   163345

Карп (Cyprinus carpio carpio) — рыба сямейства карпавых, культурная форма сазана.

Расселены ўсюды ў прэсных вадаёмах. Карпаводства ўзнікла ў Старажытным Кітаі. У Еўропе селекцыя вядзецца з часоў Старажытнага Рыма. Зыходная форма свойскага карпа — дунайскі карп. Сярод парод свойскага карпа адрозніваюцца лускаваты, люстраны, рамчаты, голы і інш.

Даўжыня да 1 м, маса да 16, зрэдку да 30 кг. Колер спіны звычайна чарнавата-зялёны, бакі жоўтыя з зеленаватым адлівам, бруха белаватае. Вочы залацістыя. Спінны плаўнік доўгі. Луска буйная, авальная. Рот з тоўстымі губамі.

Корміцца планктонам, бентасам, воднымі раслінамі.

Нераст вясной.

Карпы ў возеры (Іспанія)

Асноўны аб'ект сажалкавага і басейнавага рыбаводства.