Колюшкападобныя

З пляцоўкі Вікіпедыя
Перайсці да: рух, знайсці
Колюшкападобныя
Gasterosteus aculeatus.jpg
Колюшка трохіголкавая (Gasterosteus aculeatus)
Навуковая класіфікацыя
Міжнародная навуковая назва

Gasterosteiformes

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   166361
NCBI   129911

Колюшкападобныя (Gasterosteiformes) — атрад касцістых рыб.

Атрад аб'ядноўвае 9 сямействаў (іголкавыя, колюшкавыя і інш.), каля 55 родаў, больш за 200 відаў.

Вядомы з эацэну. Пашыраны пераважна ў тропіках, у прыбярэжных марскіх водах, некаторыя віды — у прэснай вадзе. На Беларусі 2 роды, 2 віды: колюшка трохіголкавая (Gasterosteus aculeatus) і колюшка дзевяцііголкавая (Pungitius pungitius).

Даўжыня ад 3 см да 1,8 м, маса ад некалькіх грамаў да 3,4 кг. Спінных плаўнікоў 1 — 2, першы ў выглядзе асобных калючак. Брушныя плаўнікі з 1 — 7 прамянёў, у некаторых адсутнічаюць. Луска ктэноідная, у многіх колюшкападобных цела ўкрыта касцявымі пласцінкамі. Рыла звычайна трубкападобнае. Некаторыя віды ў перыяд размнажэння робяць гнёзды.

Планкгафагі, але могуць знішчаць ікру і лічынак іншых рыб.