Парная рыфма

Па́рная ры́фма — рыфма, якая спалучае два суседнія вершаваныя радкі. Парная рыфма выкарыстоўваецца звычайна ў строфах, напісаных двухрадкоўямі, а таксама ў чатырох-, шасці- і васьмі- радковых строфах.

Калі паглыне мяне шлях няблізкі

У край курганаў і абеліскаў,

Або навала дыхне над домам, —

Сустрэну громам.

А звянуць травы, асмягнуць вусны, —

Дажджом вярнуся.

(М. Лужанін «Вярнуся ветрам»)

Літаратура

• Рагойша В. П. Паэтычны слоўнік. — 3-е выд., дапрац. і дапоўн.. — Мінск: Беларуская навука, 2004. — 576 с. — 2 000 экз. — ISBN 985-08-0598-6.
• Рагойша В. П. Тэорыя літаратуры ў тэрмінах. — Мінск: Беларуская энцыклапедыя, 2001. — 384 с. — 1 000 экз. — ISBN 985-11-0197-4.