Прасцяк
Прасцяк | |
---|---|
Кірунак: | Народны парны |
Тэмп: | умерана хуткі |
Вытокі: | беларускія |
Прасцяк — беларускі народны танец. Музычны памер 2/4. Тэмп умерана хуткі.
Харэаграфія[правіць | правіць зыходнік]
У кампазіцыйнай аснове танца 2 рады выканаўцаў мяшанага складу адзін супраць аднаго сыходзяцца да сярэдзіны танцывальнай пляцоўкі, потым вяртаюцца на месца, выконваючы двайны прытул з падскокамі на абедзвюх нагах папераменна, у заключэнне фігуры — двайны прытуп без падскокаў. Выконваецца пад гармоннік ці іншы музычны інструмент і калектыўнае выкананне прыпевак удзельнікамі абодвух радоў папераменна. Часам выконваецца варыянт асноўнай фігуры: адзін рад танцуе на месцы, 2-і на яго наступае, потым вяртаецца на месца, і наадварот. Пашыраны на Брэстчыне, Гомельшчыне. Існуе сцэнічны варыянт танца.
Літаратура[правіць | правіць зыходнік]
- Савін, В. З. «Прасцяк» / В. З. Савін // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13). С. 22.