Ружовы пелікан

З пляцоўкі Вікіпедыя
Перайсці да: рух, знайсці
Ружовы пелікан
Pelican.great.white.arp.750pix.jpg
Навуковая класіфікацыя
Міжнародная навуковая назва

Pelecanus onocrotalus Linnaeus, 1758

Ахоўны статус
Status iucn3.1 VU ru.svg Знаходзяцца ва ўразлівым становішчы
Уразлівыя
IUCN 3.1 Vulnerable : 106003809
Wikispecies-logo.svg
Сістэматыка
на Віківідах
Commons-logo.svg
Выявы
на ВікіСховішчы
ITIS   174693
NCBI   36301
EOL   1049382

Ружовы пелікан (Pelecanus onocrotalus) — буйная вадаплаўная птушка сямейства пеліканавых.

Знешні выгляд[правіць | правіць зыходнік]

Вялікая, нязграбная птушка, з белым цялеснага адцення апярэннем і чорнымі канцамі крылаў.

  • Даўжыня цела самцоў да 175 см.
  • Размах крылаў - да 360 см.
  • Даўжыня крыла ў самцоў 66,5-77 см, у самак 58,6-78 см.
  • Вага самцоў - 5,5-15 кг, самак - 5,1-10 кг.
  • Хвост амаль прамы, з 24 рулявых пёраў. Даўжыня хваста самцоў 15-23 см, самак 13-20,5 см.
  • Апярэнне рэдкае, шчыльна прылягае да цела.
  • Дзюба доўгая, сплошчаная, заканчваецца загнутым ўніз кручком. Даўжыня дзюбы самцоў 35-47,1 см, самак 28,9 - 46 см.
  • Даўжыня цэўкі самцоў 12-18,5 см, самак 10-16,5 см.
  • Шыя доўгая.
  • Гарлавы мяшок вялікі, моцна расцягваецца.

Пашырэнне[правіць | правіць зыходнік]

Арэал разарваны, уключае Балканы, Чорнае i Каспiйскае моры, Аральскае возера (Казахстан), Блізкі Усход, некаторыя тэрыторыi Паўднёвай Азii, Паўднёва-Усходняй Афрыкі. Насяляе кантынентальныя вадаёмы з берагамi, якiя зараслi трыснягом i кустамi, асаблiва імкнуцца да рачных дэльт.

Паўднёвыя папуляцыi аселыя, паўночныя — пералётныя. Нерэгулярна залятае ў розныя еўрапейскiя краiны (Іспанію, Францыю, Германію, Вялікабрытанію, Бельгію, Галандыю, Данію, Нарвегію, Швецыю, Фінляндыю, Эстонію, Латвію, Літву, Польшчу, Чэхію, Славакію, Аўстрыю, Швейцарыю, Мальту, Беларусь, Венгрыю, Расію — наваколле Сант-Пецярбурга).

Асаблівасці біялогіі[правіць | правіць зыходнік]

Гняздуе калонiямі. Гняздо — утаптаная куча з сухой надводнай раслiннасцi (галоўным чынам трыснягу), а таксама сухой травы, дыяметр — 1,5-3,0 м.

Яйкi (2-4) падоўжаныя, амаль элiптычныя; белыя з мазкамі вапны. Памеры: 89 х 57 мм.

Літаратура[правіць | правіць зыходнік]

  • Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X