Шэрая курапатка

З пляцоўкі Вікіпедыя
Перайсці да: рух, знайсці
Шэрая курапатка
Rebhuehner.jpg
Самец і самка шэрай курапаткі
Навуковая класіфікацыя
Міжнародная навуковая назва

Perdix perdix (Linnaeus, 1758)

Падвіды
Гл. тэкст
Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на ВікіСховішчы
ITIS   175915
NCBI   9052
EOL   1049240

Шэрая курапатка (Perdix perdix) — шырока распаўсюджаны від з роду курапатак. Цяжка адрозны ад іншага віду, барадатай курапаткі. Аб'ект палявання.

Агульная характарыстыка[правіць | правіць зыходнік]

Прадстаўнікі віду — сярэдняй велічыні курапаткі. Даўжыня цела 28-35 см, размах крылаў 45-55 см.

Дзюба і ногі цёмнага колеру. Верхняя частка апярэння рабая, карычневага колеру, бакі і хвост рудыя. Шпоры на нагах адсутнічаюць. Палавыя адрозненні зводзяцца толькі да таго, што самкі афарбаваныя крыху святлей. Каштанавага колеру плямай на грудзях больш выразная ў самцоў i адсутнiчае ў маладых. У палёце бачныя рулявыя ржавага колеру.

Пашырэнне[правіць | правіць зыходнік]

Арэал: Еўропа (акрамя поўначы і цэнтральна-паўднёвай часткі Пірэнейскага п-ва), Малая Азія, Цэнтральная Азiя. Насяляе палі (ахвотней з групамi кустоў на межах), лугi i ўзгоркi з высокай раслiннасцю, стэпы і лесастэпы, маладыя лясы (5-15 гадоў), дзюны, берагі рэк і азёр. На Каўказе пранікае далінамі ў горы да вышыні каля 2700 м. На Беларусі звычайны аселы і часам качуючы від, але з вельмі зменлівай колькасьцю па гадах.

Асаблівасці біялогіі[правіць | правіць зыходнік]

Гняздо ў ямцы, высланай сухой травой і лісцем (спарадычна пер'ем самкi) у выглядзе правiльнага паўшар'я, схаванае сярод раслiн (у сельскагаспадарчых пасевах звычайна на межах, у канюшыне, люцэрне, радзей у збожжы).

На асцерагаючы, прарэзлiвы крык усе птушкі чародкай узлятаюць амаль адначасова. Калi небяспеку вiдаць здаля, хутка i скрытна адбягаюць.

Яйкi (звычайна 10-20, кладкі большыя за 24 яйкі — ад 2 самак), крыху падоўжаныя з завостраным вузейшым канцом, шэра-алiўкавыя альбо карычнева-алiўкавыя з моцным бляскам. Памеры: 35 х 27 мм.

Літаратура[правіць | правіць зыходнік]

  • Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X