З Вікіпедыі, свабоднай энцыклапедыі
Хенатэка (Chaenotheca) — род накіпных лішайнікаў сямейства Coniocybaceae. 23 віды.
Пашыраны ўсюды. На Беларусі 9 відаў: хенатэка воласападобная (Chaenotheca trichialis), хенатэка золатагаловая (Chaenotheca chrysocephala), хенатэка картузіянская, ці зеленаватая (Chaenotheca chlorella) (занесена ў Чырвоную кнігу Беларусі), хенатэка парошыстая (Chaenotheca stemonea), хенатэка цёмнагаловая (Chaenotheca phaeocephala), хенатэка іржавая (Chaenotheca ferruginea) і іншыя. Трапляюцца на старых дрэвах, гнілой драўніне, раслінных рэштках.
Слаявіна зярністая, парашкападобная, бародаўчатая, зрэдку сарэдыёзная, ад белавата-шэрай да жоўта-зялёнай. Пладовыя целы (апатэцыі) на ножках, часам сядзячыя, 8-споравыя. Споры аднаклетачныя, шарападобныя, цёмныя.
