Абалоннікі

? Абалоннікі
Асцыдыі Clavelina moluccensis
Навуковая класіфікацыя
Царства:	Жывёлы
Тып:	Хордавыя
Падтып:	Абалоннікі
Навуковая назва
Tunicata Lamarck, 1816
Сістэматыка на ВікіВідах Выявы ў ВікіСховішчы ITIS   203347 NCBI   7712

Абалоннікі, або лічынкавахордавыя (Tunicata, або Urochordata) - падтып хордавых жывёл. Яны распаўсюджаны па ўсім свеце і засяляюць марское дно. Большасць відаў не здольныя да актыўнага перамяшчэння.

Цела мешкападобнай формы, акружана абалонкай з туніцыну, матэрыялу, падобнага да цэлюлозы. Падобна іншым хордавым жывёлам, абалоннікі маюць хорду ў перыяд ранняга эмбрыянальнага развіцця. Таксама абалоннікі не маюць метанефрыдыевых органаў.

Характэрнай асаблівасцю абалоннікаў з'яўляецца рэгулярная змена кірунку кровазвароту. Абалоннікі пачынаюць жыццё з рухомых лічынкавых стадый, пазней развіваюцца ў бочкападобную нерухомую форму.

Большасць абалоннікаў фільтруюць мікраскапічную ежу з вады, што яны робяць пры дапамозе дзвюх адтулін (сіфонаў), адна для ўсмоктвання вады і планктону, іншая для яе вылучэння. Аднак сярод абалоннікаў ёсць і драпежнікі, такія як Megalodicopia hians.

Класіфікацыя

• Апендыкулярыі (Appendiculariae)
• Асцыдыі (Ascidiae)
• Пелагічныя абалоннікі (Thaliacea)
  • Бачоначнікі (Doliolida)
  • Пірасомы (Pyrosomida)
  • Сальпы (Salpida)
• Sorberacea