Аблігацыя

З пляцоўкі Вікіпедыя.
Перайсці да: рух, знайсці
Аблігацыя

Аблігацыя (ад лац.: obligatio — абавязваюся) — від эмісійнай каштоўнай паперы (пазыковага абавязацельства), па якой яе эмітэнт абавязваецца выплаціць трымальніку фіксаваную суму капіталу ў пэўны момант у будучыні або выплачваць даход, памер якога загадзя ўсталяваны ў форме пэўнага чыншу — працэнт да намінальнага кошту аблігацыі (у адрозненне ад акцыі, велічыня даходу па якой залежыць ад прыбытковасці прадпрыемства)

Калі аблігацыя прадаецца па цане, ніжэйшай за намінал, то даход па ёй складае згаданую розніцу і завецца дысконтам. Даход аблігацыі можа таксама выплачвацца ў форме выйгрышаў у спецыяльных накладах або аплатай купонаў.

Эмітэнты[правіць | правіць зыходнік]

Эмітэнтамі аблігацый выступае дзяржава, муніцыпалітэты або прыватныя прадпрыемствы.

Тэрмін аплаты[правіць | правіць зыходнік]

Аблігацыі з тэрмінам аплаты не болей за 5 год лічацца кароткатэрміновымі,

ад 6 да 15 год — сярэднетэрміновымі,

больш за 15 гадоў — доўгатэрміновымі.

Класіфікацыя[правіць | правіць зыходнік]

Класіфікацыя аблігацый адбываецца па некалькіх прынцыпах:

  • дзяржаўныя і прыватныя

Дзяржаўныя аблігацыі выдаюцца дзяржавай ці муніцыпальнымі ўтварэннямі, прыватныя - прыватнымі банкамі, акцыянернымі таварыствамі і інш.

  • імянныя і на прад'яўніка

Імянныя аблігацыі падлягае рэгістрацыі. Іхнім уладальнікам выдаецца сертыфікат, які сведчыць аб праве на валоданне асобы на пададзеныя каштоўныя паперы. Аблігацыі на прад'яўніка адмыслова не ўлічваюцца, чынш па іх атрымоўваюцца па купоннаму лісце, ад якога адразаецца адпаведны купон.

  • чыншавыя (працэнтовыя) і бясчыншавыя (беспрацэнтовыя)

Па чыншавых аблігацыях даход выплачваецца ў форме пэўнага працэнту, уладальнік бясчыншавых мае права набыць адпаведныя тавары ці паслугі.

  • свабодна абарачаючыяся і з абмежаваным колам абарачэння

Гандаль[правіць | правіць зыходнік]

Аблігацыі гандлююцца на біржах па курсе, які залежыць ад даходу, чыншу, попыту і прапановы.

Спасылкі[правіць | правіць зыходнік]


Шаблон:Каштоўныя паперы