Акцыянернае таварыства

З пляцоўкі Вікіпедыя
Перайсці да: рух, знайсці

Акцыянернае таварыства (АТ) — арганізацыйна-прававая форма прадпрыемства, аб'яднанне грамадзян і юрыдычных асоб для сумеснай гаспадарчай дзейнасці.

Як і статутны капітал таварыства з абмежаванай адказнасцю, статутны капітал АТ падзелены на пэўную колькасць акцый. Удзельнікі акцыянернага таварыства (акцыянеры) не адказваюць па яго абавязальніцтвах і нясуць рызыку стратаў, звязаных з дзейнасцю АТ, толькі ў рамках вартасці належачых ім акцый.

Заснавальнікі АТ складаюць паміж сабой у пісьмовай форме дагавор, у ім вызначаюць парадак ажыццяўлення сумеснай дзейнасці па стварэнні АТ, памер статутнага фонду, катэгорыі выпусканых акцый і парадак размяшчэння, а таксама іншыя ўмовы, прадугледжаныя заканадаўствам.

У статуце АТ фіксуюцца мэты таварыства, памер капіталу, парадак кіравання, структура кіруючых органаў і іншае.

АТ не можа быць створана адной асобай ці складацца з адной асобы. Калі акцыі АТ набыты адной асобай, АТ павінна быць ператворана ва ўнітарнае прадпрыемства ці ліквідавана.

Гл. таксама[правіць | правіць зыходнік]