Аляксандр Пятровіч Савушкін

Аляксандр Пятровіч Савушкін
Аляксандр Пятровіч Савушкін
Дата нараджэння	5 лютага 1918
Месца нараджэння	Пышліцы[d], Ягор’еўскі павет[d], Разанская губерня, РСФСР[d];
Дата смерці	17 мая 1943 (25 гадоў)
Месца пахавання	Санкт-Пецярбург;
Грамадзянства	СССР;
Прыналежнасць	СССР
Род войскаў	Войскі СПА СССР[d]
Бітвы/войны	савецка-фінляндская вайна;
Узнагароды і званні	;
	Медыяфайлы на Вікісховішчы

Аляксандр Пятровіч Савушкін (руск.: Алекса́ндр Петро́вич Са́вушкин; 5 лютага 1918 — 17 мая 1943) — савецкі лётчык-знішчальнік, Герой Савецкага Саюза.

Біяграфія[правіць | правіць зыходнік]

Нарадзіўся 5 лютага 1918 года ў вёсцы Пышліцы Ягор’еўскана павета Разанскай губерні (цяпер сяло ў Шатурскім раёне Маскоўскай вобласці). Скончыў 7 класаў і школу ФЗУ, пасля чаго працаваў слесарам на Маскоўскім электралямпавым заводзе. Адначасова з гэтым скончыў аэраклуб. Служыў у Чырвонай Арміі з 1938 года. У тым жа годзе выпусціўся з Барысаглебскай ваеннай авіяшколы пілотаў.

Удзельнічаў у савецка-фінскай вайне 1939—1940.

19 лютага 1940 звяном з трох знішчальнікаў ВПС РСЧА (капітан Муразанаў, А. П. Савушкін і Гаруноў) быў збіты бамбавік «Бленхейм» авіяэскадрыллі LLv-46 4-га авіяпалка ВПС Фінляндыі, якія атакавалі савецкі палявы шпіталь нягледзячы на наяўнасць знакаў Чырвонага Крыжа. Збіты самалёт упаў у Ладажскае возера.

На франтах Вялікай Айчыннай вайны ваяваў з чэрвеня 1941 года, з таго ж года — член УКП(б). Здзейсніў 373 баявыя вылеты на знішчальніках ЛаГГ-3 і P-39 «Аэракобра», абараняючы Ленінград ад налётаў гітлераўскай авіяцыі. У 79 паветраных баях збіў 8 варожых самалётаў асабіста і 6 у групе, а таксама адзін аэрастат-карэктоўшчык. Быў тройчы паранены, кожны раз пасля гэтага датэрмінова вяртаўся ў сваю частку.

Трагічна загінуў 17 мая 1943 года, калі накіраваўся ў тыл за новымі самалётамі на ваенна-транспартным самалёце «Дуглас». Аэрадром, з якога ён вылятаў, быў абстраляны артылерыяй, з-за чаго самалёт апынуўся недастаткова добра падрыхтаваны да палёту, што прывяло да авіяцыйнай катастрофы. Герой быў пахаваны ў Ленінградзе на вайсковых могілках Сасноўскага лесапарку (у месцы, дзе падчас вайны размяшчаўся палявы аэрадром «Сасноўка»).

Літаратура[правіць | правіць зыходнік]

Санкт-Петербург. Петроград. Ленинград: Энциклопедический справочник / Ред. коллегия: Белова Л. Н., Булдаков Г. Н., Дегтярев А. Я. и др. — М.: научное издательство «Большая Российская Энциклопедия». 1992. — 687 с.; ил. ISBN 5-85270-037-1