Анатоль Рыгоравіч Горб

Анатоль Рыгоравіч Горб
Анатоль Рыгоравіч Горб
Дата нараджэння	4 сакавіка 1947 (77 гадоў)
Месца нараджэння	Новасібірск, Новасібірская вобласць, РСФСР, СССР;
Альма-матар	Новасібірскі інжынерна-будаўнічы інстытут імя В. У. Куйбышава (1970);
Месца працы	Белдзяржпраект; Белкамунпраект;
Член у	Саюз архітэктараў СССР; Беларускі саюз архітэктараў;
Узнагароды

Анатоль Рыгоравіч Горб (4 сакавіка 1947, Новасібірск) — беларускі архітэктар.

Біяграфія[правіць | правіць зыходнік]

Скончыў у 1970 годзе Новасібірскі інжынерна-будаўнічы інстытут. Працаваў у Белдзяржпраекце старшым архітэктарам, з 1975 года — кіраўніком групы і брыгады архітэктараў у Белкамунпраекце, з 1977 года — кіраўнік брыгады, галоўны архітэктар праектаў у Белдзяржпраекце.

Член Саюза архітэктараў СССР з 1974 года. Пражывае ў Мінску.

Творчасць[правіць | правіць зыходнік]

Асноўныя працы (у аўтарскім калектыве): забудова набярэжнай К. Лібкнехта ў Мазыры (1973), генплан навуковага цэнтра ў Мінску (1975), комплекс скурна-венералагічнага і супрацьтуберкулёзнага дыспансера ў Брэсце (1983, 1985), серыя жылых дамоў і блок-секцый для малых і гістарычных гарадоў Беларусі (1984, з Л. В. Маскалевічам), санаторый у курорце «Рагачоў» (1987, з С. С. Івановым).

Узнагароды[правіць | правіць зыходнік]

Узнагароджаны ордэнам «Знак Пашаны» (1985), дыпломам II ступені на Усесаюзным аглядзе-конкурсе дыпломных праектаў архітэктурнай спецыяльнасці (1970), 1-я прэмія (медаль і дыплом) за лепшы праект года СА СССР (1984), 1-я прэмія на Усесаюзным конкурсе за забудову комплексу ўніверсітэта ва Ульянаўску (1986, у аўтарскім калектыве).

Зноскі

Літаратура[правіць | правіць зыходнік]

Горб Анатолий Григорьевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)