Асноўны дзяржаўны экзамен

Асноўны дзяржаўны экзамен (АДЭ) — выніковы экзамен за курс асноўнай агульнай адукацыі ў Расіі. Прызначаны для кантролю ведаў, атрыманых навучэнцамі за 9 гадоў, а таксама для прыёму ва ўстановы сярэдняй прафесійнай адукацыі (не ў Маскве і ў Маскоўскай вобласцi (каледжы і тэхнікумы). З’яўляецца адной з трох формаў дзяржаўнай выніковай атэстацыі (ДВА).

Парадак правядзення

Парадак правядзення АДЭ вызначаецца «Парадкам правядзення дзяржаўнай выніковай атэстацыі па адукацыйных праграмах асноўнай агульнай адукацыі». Ключавыя палажэнні гэтага дакумента:

1. АДЭ складаецца з чатырох экзаменаў: рускай мовы, матэматыкі і двух прадметаў на выбар.
2. Да АДЭ дапускаюцца навучэнцы, якія не маюць акадэмічных запазычанасцей і выканалі навучальны план.
3. Для допуску да АДЭ навучэнец павінен атрымаць залік па выніковым iнтэрв’ю па рускай мове, якое праводзіцца ў другую сераду лютага і ў дадатковыя дні.
4. У 2021 годзе АДЭ па выбары быў адменены, замест яго навучэнцы пісалі агульнафедэральную кантрольную работу ў фармаце АДЭ па адным прадмеце на выбар на базе сваёй школы. Яна не ўплывае ні на атрыманне атэстата, ні на ацэнку. АДЭ па рускай мове і матэматыцы захаваліся ў ранейшым фармаце. У 2020 годзе экзамен не праводзіўся з-за эпідэміялагічнай сітуацыі ў краіне, выніковыя ацэнкі выстаўляліся на падставе гадавых ацэнак.
5. У 2022 годзе экзамены зноў пачалі праводзіцца ў «дакавiдным» фармаце з ускладненай у параўнанні з папярэднімі гадамі версіяй выпрабаванняў. Гэта рашэнне было прынята ў сувязі з тым, што пандэмія каранавіруса ў 2022 годзе скончылася.

Эксперыменты па ўвядзенні ДВА па рускай мове і матэматыцы праводзіліся ў розных рэгіёнах Расіі з 2002 года. Зараз падобная сістэма выкарыстоўваецца па ўсёй Расіі.

Гл. таксама

• Адзіны дзяржаўны экзамен