Бабовакветныя

З пляцоўкі Вікіпедыя
Перайсці да: рух, знайсці
Бабовакветныя
Securidaca longipedunculata MS 4773.JPG
Securidaca longipedunculata
Навуковая класіфікацыя
Міжнародная навуковая назва

Fabales Bromhead, 1838

Wikispecies-logo.svg
Сістэматыка
на Віківідах
Commons-logo.svg
Выявы
на ВікіСховішчы
ITIS   500022
NCBI   72025

Бабовакветныя (Fabales) — парадак кветкавых двухсемядольных раслін.

Апісанне[правіць | правіць зыходнік]

Дрэвы, хмызнякі, паўхмызнякі, шматгадовыя і аднагадовыя травы з чарговымі ці рэдка супраціўнымі, звычайна складанымі (перыстаскладанымі, радзей пальчатаскладанымі, трайчастымі) ці ў выніку недаразвіцця часткі лісцікаў другасна простымі лістамі, у большасці выпадкаў з прылісткамі. Кветкі большай часткай у гронках, каласах ці галоўках, двухполыя ці рэдка аднаполыя, актынаморфныя (Mimosaceae) ці часцей зігаморфныя, звычайна 5-членныя, з двайным калякветнікам. Чашалісцікаў 5 (3–6), свабодных ці больш-менш зрошчаных. Пялёсткі звычайна ў колькасці чашалісцікаў, свабодныя ці два пярэднія зрослыя ў аснове, створкавыя ці часцей чарапічныя. Тычынак большай часткай 10, радзей 9, іншы раз меней ці, наадварот, нашмат больш; ніці іх свабодныя ці зрошчаныя. Гінецэй апакарпны, звычайна манамерны, рэдка з 2 ці большага ліку карпел, з 2-многімі семязачаткамі ў кожнай карпеле. Плады звычайна бабы.

Сістэматыка[правіць | правіць зыходнік]

Парадак уключае чатыры сямействы: Бабовыя (Fabaceae), Quillajaceae, Крапінцовыя (Polygalaceae) і Surianaceae.

Даследаванне парадку ў значнай ступені канцэнтруецца на бабовых, дзякуючы іх вялікі біялагічнай разнастайнасці, так і дзякуючы іх важнасці для сельскай гаспадаркі. Крапінцовыя таксама даследуецца дзякуючы вялікай разнастайнасці роду Крапінец (Polygala).

Гл. таксама[правіць | правіць зыходнік]

Зноскі

  1. Выкарыстоўваецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».

Літаратура[правіць | правіць зыходнік]

  • Сапегін Л. М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях. — Гомель: ГДУ, 2012. — 337 с. ISBN 978-985-439-644-6