Бадзягі

Бадзягі
Бадзяга (Spongilla)
Навуковая класіфікацыя
прамежныя рангі Дамен:  Эўкарыёты Царства:  Жывёлы Тып:  Губкі Клас:  Звычайныя губкі Падклас:  Ceractinomorpha Атрад:  Haplosclerida Падатрад:  Spongillina Сямейства:  Бадзягі
Міжнародная навуковая назва
Spongillidae Gray, 1867
Сістэматыка на Віківідах Выявы на Вікісховішчы ITIS   47691 NCBI   6050 EOL   8067 FW   348666

Бадзягі (Spongillidae) — сямейства прэснаводных губак з класа звычайных (Demospongia).

Апісанне

Нерухомыя каланіяльныя жывёлы, якія складаюцца з мноства злучаных паміж сабой асобін і жывуць пад вадой на глыбінях да 2 метраў. Па вонкавым выглядзе яны нагадваюць расліны. Памеры калоніі да 1 м. Цела шурпатае э непрыемнм пахам, шэрае, жаўтаватае, брудна-зялёнае. Шкілет крамянёвы.

Селяцца губкі на падводных прадметах. У вадаёмах Беларусі найчасцей трапляюцца 2 віды: бадзяга азёрная (Spongilla lacustris) жыве ў стаячых вадаёмах, бадзяга рачная (Ephydatia fluviatilis) — у праточных вадаёмах.

Размнажаюцца палавым і бясполым (пачкаванаем) спосабамі. Маюць вялікую здольнасць да аднаўлення: з дробнага кавалачка вырастае самастойная асобіна. Кормяцца аднаклетачнымі арганізмамі і арганічнымі рэшткамі. Жывуць некалькі месяцаў. Увосень утвараюць круглявыя ўнутраныя пупышкі — гемулы, якія вясной даюць пачатак новай калоніі.

Сістэматыка

Роды:

• Anheteromeyenia
• Corvoheteromeyenia
• Corvospongilla
• Dosilia
• Duosclera
• Ephydatia
• Eunapius
• Heteromeyenia
• Heterorotula
• Meyenia
• Nudospongilla
• Pachyrotula
• Pectispongilla
• Racekiela
• Radiospongilla
• Sanidastra
• Saturnospongilla
• Spongilla
• Stratospongilla
• Trochospongilla
• Umborotula
• Uruguayella

Значэнне для чалавека

Могуць засмечваць гідратэхнічныя збудаванні. Ачышчаюць вадаёмы ад арганічных рэчываў.

Высушаныя бадзягі — народны сродак ад рэўматычных і іншых боляў. Ужываюцца ў выглядзе мазей.

Літаратура

• Лук’яновіч Л. М. Бадзягі // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.