БелАЗ-549В
| БелАЗ-549В | |
|---|---|
| Вытворца | БелАЗ |
| Месца вытворчасці | Жодзіна, БССР |
| Гады выпуску | 1969 |
БелАЗ-549В — вопытны кар’ерны самазвал грузападымальнасцю 120 тон з актыўным паўпрычэпам і газатурбінным рухавіком. Пабудаваны на Беларускім аўтамабільным заводзе ў 1969 годзе ў адзіным экзэмпляры. Самы буйны самазвал у СССР на момант стварэння[1][2].
Гісторыя[правіць | правіць зыходнік]
Пяцігадовы план 1966—1970 гадоў прадпісваў беларускаму аўтазаводу распрацаваць кар’ерныя самазвалы грузападымальнасцю 100 тон і вышэй. Галоўнай праблемай, з якой сутыкнуліся канструктары, стала адсутнасць рухавіка патрэбнай магутнасці (на той момант у СССР не выпускалі дызеляў магутнасцю 1000 к.с.), таму было вырашана правесці эксперымент і ўсталяваць на грузавік верталётны рухавік магутнасцю 1200 к. с. У 1969 годзе пабудова самазвала завяршылася.
З-за высокага кошту эксплуатацыі і малога рэсурсу авіярухавіка (каля 3000—4000 гадзін у параўнанні з 15 000—20 000 гадзін для дызеля), а таксама з-за неабходнасці ў спецыяльным паліве (авіяцыйны газ), далейшую работу па праекце вырашылі згарнуць, і да эксперыментаў з газатурбіннымі рухавікамі на БелАЗе не вярталіся да 2018 года[1][3].
БелАЗ-549В прадстаўляў сабой аўтацягнік з актыўным паўпрычэпам і электрычнай перадачай: газатурбінны рухавік прыводзіў у рух генератар, а атрыманы ток накіроўваўся на электрарухавікі задняга моста цягача і моста паўпрычэпа[1][4]. Машына выкарыстоўвала турбавінтавы рухавік ТВ2-117, прызначаны для ўстаноўкі на верталёты Мі-8. Яго распрацавалі на заводзе імя Клімава, і з 1967 года выпускалі на Пермскім маторным заводзе[1].
Крыніцы[правіць | правіць зыходнік]
- ↑ а б в г Чем закончился почти секретный проект по созданию турбоБелАЗа? (руск.). www.abw.by. Праверана 12 лютага 2021.
- ↑ Алексей СУХАНОВСКИЙ. ИЗОТОВ: Краткое руководство по изучению жизни и творчества генерального конструктора отечественных двигателей Сергея Петровича Изотова с воспоминаниями современников, фотографиями и чертежами. — Архангельск: «СК-Столица», 2012. — С. 78. — 182 с. — ISBN 978-5-904309-10-7. Архівавана 29 лістапада 2020 года.
- ↑ Карьерные самосвалы с пониженным потреблением дизельного топлива / / ЗОЛОТОДОБЫЧА. Добыча золота, технологии, оборудование. zolotodb.ru. Архівавана з першакрыніцы 27 студзеня 2021. Праверана 12 лютага 2021.
- ↑ Самосвалы БелАЗ: белорусские великаны (руск.). 5 колесо (9 верасня 2015). Архівавана з першакрыніцы 14 мая 2021. Праверана 14 мая 2021.