Беларуская краёвая народная рада

Беларуская краёвая народная рада - фіктыўны прадстаўнічы орган, выбраны на т.зв. Беларускім краёвым з’ездам (студзень 1919 г.). Інсцініравана ўрадам Польшчы, які прэтэндаваў на беларускія землі і не хацеў, каб дэлегацыя БНР удзельнічала ў Парыжскай мірнай канферэнцыі. «Прэзідэнт» рады К. Цвірка-Гадыцкі, «Член» – А. Янсан. 23 сакавіка 1919 г. яны накіравалі міністру-прэзідэнту Польшчы ліст, у якім прасілі зрабіць адпаведныя крокі «у кірунку ўстанаўлення супольнага палітычнага жыцця беларускага народа з Польшчай».

Літаратура

• Сідарэвіч, А. М. Беларуская краёвая народная рада / А. М. Сідарэвіч // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 20 000 экз. — ISBN 5-85700-074-2. — С. 375.