Вольга Сяргееўна Азалапіня
| Вольга Сяргееўна Азалапіня | |
|---|---|
| лат.: Olga Ozollapiņa | |
| Дата нараджэння | 25 студзеня 1986[1] (38 гадоў) |
| Месца нараджэння | |
| Грамадзянства | |
| Прафесія | акцёрка |
| IMDb | ID 7106632 |
Вольга Сяргееўна Азала́піня[2] (руск.: Ольга Сергеевна Озоллапиня; нар. 25 студзеня 1986, Рыга) — расійская актрыса тэатра і кіно.
Біяграфія[правіць | правіць зыходнік]
Вольга Азалапіня нарадзілася 25 студзеня 1986 года ў Рызе. Маці мае латышскія карані, бацька рускі.
У 14 гадоў трапіла ў тэатральную студыю «Рэверанс». У 2004 годзе паступіла ў Рыжскі філіял ДІТМа, год адвучылася на курсе Рамана Рыгоравіча Вікцюка, потым з’ехала ў Маскву.
У 2009 годзе скончыла рэжысёрскі факультэт ДІТМа, акцёрская група, майстэрня Сяргея Жэнавача. За ролю Лізы ў спектаклі «Леў Талстой. Сцэны» адзначана шэрагам узнагарод — «Залаты ліст», «Прэмія саюза тэатральных дзеячаў», прэмія ім М. Царова «За паспяховае зразуменне прафесіі акцёра»[3]. Пасля заканчэння ВНУ была прынята ў трупу Тэатра «Студыя тэатральнага мастацтва» (СТМ)[3]. У 2017 годзе скончыла акцёрскую майстэрню Акадэміі М. С. Міхалкова. Курс Мікіты Міхалкова.
З 2011 года здымаецца ў кіно. У 2015 годзе знялася ў адной з галоўных роляў ў фільме «14+» (маці Лёшы), а ў 2017 годзе — у галоўнай ролі ў фільме «Як Віцька Часнок вёз Лёху Штыра ў дом інвалідаў» (жонка Віцькі). У 2020 годзе знялася ў галоўнай ролі ў фільме «Блакадны дзённік», які атрымаў галоўны прыз ММКФ — «Залатога Георгія»[4][5][6]. Атрымала спецыяльны прыз часопіса «InStyle» за стварэнне яркага мастацкага вобразу на экране[7].
У 2021 годзе атрымала прэмію «Залаты арол» — за найлепшую жаночую ролю ў фільме «Блакадны дзённік».
Фільмаграфія[правіць | правіць зыходнік]
- 2015 — «14+»
- 2020 — «Блакадны дзённік»
- 2023 — «14+: Працяг»
Крыніцы[правіць | правіць зыходнік]
- ↑ Olga Ozollapiňa // https://www.csfd.cz/tvurce/240588/
- ↑ Визитка с человеческим лицом для Ольги Озоллапиня. - YouTube. Архівавана з першакрыніцы 20 лютага 2023. Праверана 20 лютага 2023.
- ↑ а б СТИ: Ольга Озоллапиня. Архівавана з першакрыніцы 21 красавіка 2021. Праверана 19 снежня 2020.
- ↑ Как закалялась правда. О фильме Андрея Зайцева «Блокадный дневник». Архівавана з першакрыніцы 23 кастрычніка 2020. Праверана 21 кастрычніка 2020.
- ↑ Кинокритик Сергей Шолохов: о Московском международном кинофестивале — 2020. Архівавана з першакрыніцы 26 кастрычніка 2020. Праверана 21 кастрычніка 2020.
- ↑ Ленинград. Чтобы помочь жить другим. Архівавана з першакрыніцы 23 кастрычніка 2020. Праверана 21 кастрычніка 2020.
- ↑ ММКФ 2020: Две первые награды фестиваля получил «Блокадный Дневник». Архівавана з першакрыніцы 16 студзеня 2021. Праверана 19 снежня 2020.
Спасылкі[правіць | правіць зыходнік]
- Вольга Сяргееўна Азалапіня на сайце «Internet Movie Database» (англ.)
Тэматычныя сайты |
|---|
