Данелаг

Данелаг на карце Англіі ў 886 годзе (блакітны)

Данелаг (стар.-англ.: Dena lagu; дацк.: Danelagen) — вобласць паўночна-ўсходняй частцы Англіі, што адрознівалася асаблівай прававой сістэмай і сацыяльнай структурай. Яна была спадкавана ад дацкіх вікінгаў, што захапілі гэтыя землі ў IX стагоддзі. Так у Данелазе штраф за забойства чалавека вызначаўся яго сацыяльным статусам, а не сацыяльным статусам яго сеньёра, як у іншых рэгіёнах краіны. Сфера правапарушэнняў, што знаходзіліся пад юрысдыкцыяй каралеўскіх судоў, была значна большай. Галоўным адрозненнем у сацыяльнай структуры была наяўнасць класа вольных сялян у той час калі на тэрыторыі астатняй Англіі сялянства пераважна было прыгонннае.

Пасля аднаўлення ўлады англасаксонскіх каралёў над Данелагам напачатку X стагоддзя скандынаўскае права і звычаі былі захаваныя, а шмат з іх увайшлі ў агульнаанглійскую практыку. Спецыфіка юрыдычнай сістэмы паўночна-ўсходняй Англіі перажыла нармандскую заваёву і працягвала існаваць на працягу ўсяго перыяду сярэднявечча.

Геаграфічна Данелаг падзяляўся на чатыры рэгіёна:

• Нартумбрыя (центр — Ёрк);
• «Вобласць пяці бургаў» (Саюз пяці гарадоў) — Лінкальн, Нотынгем, Лестэр, Дэрбі і Стэмфард;
• Усходняя Англія;
• паўднёва-усходняя частка Англіі (Эсэкс, Кембрыджшыр, Бедфардшыр, Бекінгемшыр)

Мяжа паміж Данелагам і англасаксонскай тэрыторыей прыблізна праходзіла ў паўднёва-заходнім напрамку ад Лондана да Чэстэра.

Спасылкі

• На ВікіСховішчы ёсць медыяфайлы па тэме Данелаг
• Энцыклапедыя Брытаніка (англ.)