Джэйран

Джэйран
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Парнакапытныя Падатрад:  Жвачныя Сямейства:  Пустарогія Падсямейства:  Antilopinae Род:  Газелі Від:  Джэйран
Міжнародная навуковая назва
Gazella subgutturosa Güldenstädt, 1780
Ахоўны статус
Уразлівыя IUCN 3.1 Vulnerable : / 8976
Сістэматыка на Віківідах Выявы на Вікісховішчы ITIS   625101 NCBI   59529 EOL   129520 FW   149570

Джэйра́н (Gazella subgutturosa) — млекакормячае роду газелей сямейства пустарогіх.

Апісанне

Даўжыня цела 93—116 см, вышыня ў карку 60—75 см, маса 18—33 кг. У самцоў чорныя лірападобныя рогі даўжынёю да 41 см, самкі бязрогія. Афарбоўка верху цела і бакоў пясчаная, ніз цела, шыя і ўнутраныя бакі ног белыя. Каля хваста невялікае белае «люстэрка».

Арэал

Пашыраны ў Пярэдняй і Цэнтральнай Азіі, Усходнім Закаўказзі, Казахстане. Жыве ў пустынях, паўпустынях і перадгор’ях, трымаецца групамі.

Спосаб жыцця

Корміцца травяністымі і хмызняковымі раслінамі. Нараджае 1—2 дзіцянят.

Ахова

Падвід джэйрана з Аравійскага паўвострава занесены ў Чырвоную кнігу МСАП.

Літаратура

• Джэйран // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).