Зінаіда Адамаўна Бондар

Зінаіда Адамаўна Бондар
Дата нараджэння	1 снежня 1907(1907-12-01)
Месца нараджэння	Баранавічы, Навагрудскі павет, Мінская губерня, Расійская імперыя
Дата смерці	21 студзеня 1980(1980-01-21) (72 гады)
Месца смерці	Масква, РСФСР, СССР
Грамадзянства	СССР  Расійская імперыя
Род дзейнасці	выкладчыца ўніверсітэта, вучоная, урач
Навуковая сфера	гепаталогія
Месца працы	Першы маскоўскі дзяржаўны медыцынскі ўніверсітэт імя І. М. Сечанава[d]
Навуковая ступень	доктар медыцынскіх навук
Навуковае званне	прафесар
Альма-матар	Расійскі дзяржаўны ўніверсітэт фізічнай культуры, спорту, моладзі і турызму[d] Першы маскоўскі дзяржаўны медыцынскі ўніверсітэт імя І. М. Сечанава[d]
Узнагароды

Зінаіда Адамаўна Бондар (1 снежня 1907, Баранавічы — 1 студзеня 1980, Масква) — савецкі вучоны-медык у галіне гепаталогіі і гастраэнтэралогіі.

Доктар медыцынскіх навук (1952), прафесар (1957), член-карэспандэнт АМН СССР (1969). Ганаровы дзеяч навукі РСФСР (1969).

Біяграфія

Нарадзілася 1 снежня 1907 года ў Баранавічах.

У 1930 годзе скончыла Маскоўскі інстытут фізічнай культуры, у 1938 годзе — Першы Маскоўскі медыцынскі інстытут. У 1938—1941 гадах навучалася ў аспірантуры, абараніла кандыдацкую дысертацыю на тэму «Пра рэгуляцыю кіслотнасці страўнікавага соку».

У 1941—1945 гады падчас вайны працавала ў тэрапеўтычным аддзяленні палявога шпіталя і эвакуацыйнага шпіталя 2-га Беларускага фронту. Скончыла службу ў званні маёра медыцынскай службы.

Пасля вайны працавала ў Першым Маскоўскім медыцынскім інстытуце. У 1952 годзе З. А. Бондар абараніла доктарскую дысертацыю на тэму «Механічная жаўтуха».

Аўтар 173 навуковых прац, у тым ліку манаграфій, прысвечаных клініцы, патагенезу, дыягностыцы і лячэнню хранічных дыфузных захворванняў пячонкі — механічных жаўтух, цырозаў і хранічных гепатытаў.

З. А. Бондар спрыяла ўкараненню ў клінічную гепаталогію сучасных метадаў даследавання: радыеізатопнага, марфалагічнага прыжыццёвага вызначэння ізаферментаў.

З. А. Бондар з’яўлялася намеснікам старшыні Усесаюзнага таварыства тэрапеўтаў, членам Камітэта Міжнароднага таварыства ўнутранай медыцыны.

Памерла ў 1980 годзе. Урна з прахам пахавана ў калумбарыі Ваганькаўскіх могілак у Маскве.

Навуковыя творы

• Бондарь, З. А. Механическая желтуха. — М., 1956. — 224 с.
• Бондарь, З. А. Желтухи. — М., 1965. — 352 с.
• Бондарь, З. А., Сыркин, А. Л. Клинические задачи по терапии: учебное пособие. — М, 1976. — 152 с.
• Бондарь, З. А. Клинические задачи по гастроэнтерологии. М., 1973. — 124 с.
• Бондарь, З. А. Лечебное питание при заболеваниях внутренних органов. — М., 1971. — 179 с.

Літаратура

• Маколкин Э. Я. Бондарь Зинаида Адамовна // Большая медицинская энциклопедия : [в 30 т. ] / гл. ред. акад. Б. В. Петровский; [Акад. мед. наук СССР]. — 3-е изд. — М.: Советская энциклопедия, 1976. — Т. Т. 3: Беклемишев — Валидол. — 584 с. (руск.)