Канасамент

Канасамент — дакумент, які выдаецца перавозчыкам (звычайна марскім) тавару адпраўшчыку грузу, які засведчае прыняцце грузу да перавозкі і змяшчае абавязальніцтва перавозчыка выдаць груз у азначаным месцы трымальніку канасамента.

У гандлёвым абарачэнні канасамент — найважнейшы юрыдычны дакумент, які засведчвае наяўнасць дамовы перавозкі і канкрэтызуе ўмовы гэтай дамовы.

Канасамент з'яўляецца каштоўнай паперай, якая перадаецца па правілах перадачы каштоўных папер (іменны, ордэрны канасамент альбо канасамент на прад'яўніка) і раўназначная перадачы грузу. Застрахаваны канасамент уключае таксама страхавы поліс.

Канасамент мусіць уключаць наступныя зьвесткі:

• перавознік і месца яго знаходжання
• порт пагрузкі паводле дамовы, дата прыёму грузу перавозчыкам
• адпраўнік, месца яго знаходжання
• порт прызначэння згодна дамове
• атрымальнік, калі такі пазначаны ў дамове
• найменне грузу, неабходныя для ідэнтыфікацыі грузу маркі, аб'ём ці колькасць грузу
• знешні стан грузу і яго пакунку
• фрахт у памеры, у якім яго мае плаціць атрымальнік
• колькасць арыгіналаў канасаменту, калі іх больш, чым адзін
• подпіс перавозніка ці асобы, што дзейнічае ад яго імя

Па пагадненню паміж бакамі ў канасамент могуць быць уключаныя іншыя дадзеныя.

Канасамент, падпісаны капітанам караблю, лічыцца падпісаным ад імя перавозніка. Пасля таго, як груз паладаваны на карабель, перавознік па патрабаванні адпраўніка аддае яму бартавы канасамент, у якім дадаткова пазначаецца, што груз знаходзіцца на борце пэўнага карабля ці караблёў, а таксама дата ці даты пагрузкі.