Крыстафер Скарвер
| Крыстафер Скарвер | |
|---|---|
| Мянушка | "Забойца Дамера" |
| Дата нараджэння | 6 ліпень 1969 |
| Месца нараджэння | |
| Грамадзянства | ЗША |
| Забойствы | |
| Колькасць ахвяр | 3 |
| Выкарыстоўваемая зброя | Рэфальвер, металічны прут |
| Арышт і пакаранне | |
| Дата арышту | 1 чэрвеня 1990 |
| Пакаранне | пажыццёвае пазбаўленне волі |
Крыстафер Скарвер (англ.: Christopher ScarverChristopher Scarver; 6 ліпеня 1969, Мілуокі, Вісконсін) — амерыканскі рабаўнік і забойца, які атрымаў вядомасць пасля замаху ў турме на серыйнага забойцу Джэфры Дамера, здзейсненага 28 лістапада 1994 года.
Раннія гады[правіць | правіць зыходнік]
Крыстафер Скарвер нарадзіўся 6 ліпеня 1969 года ў Мілуокі, штат Вісконсін. Крыстафер быў другім дзіцем у сям’і з пяці дзяцей, наведваў школу James Madison High School, якую кінуў у 11-м класе. Пасля некаторы час Крыстафер перабіваўся выпадковымі заробкамі. Для атрымання спецыяльнасці Скарвер ў 1989 годзе паступіў праз вісконсінскі Корпус аховы прыроды на спецыяльнасць цясляр з магчымасцю наступнага працаўладкавання, але страціў месца і быў адлічаны. Трапіўшы ў дэпрэсію, Скарвер пачаў весці самаразбуральнае жыццё, у яго развілася алкагольная і наркатычная залежнасьць, у выніку вясной 1990 года ён быў выгнаны з дому ўласнай маці. Даведаўшыся пра цяжарнасць сваёй дзяўчыны і застаўшыся без сродкаў да існавання, Крыстафер Скарвер адважыўся на здзяйсненне злачынстваў[2].
Першае забойства і арышт[правіць | правіць зыходнік]
1 чэрвеня 1990 года Крыстафер Скарвер прыйшоў у офіс фірмы вісконсінскага Корпуса аховы прыроды. Ён паспрабаваў абрабаваць мэнэджара Джона Файена, якога лічыў вінаватым у сваіх няўдачах. Пасля атрымання 15 даляраў ад Фаена Скарвер застрэліў рабочага Стыва Ломана і запатрабаваў ад Фаена большай сумы. Пасля атрымання чэка на некалькі тысяч даляраў злачынец схаваўся. Праз 2 гадзіны Крыстафер Скарвер быў арыштаваны каля дома сваёй дзяўчыны. Пры яго ператрусе былі знойдзеныя чэк, грошы, крэдытная карта і прылада забойства. Пасля арышту Скарвер заявіў, што стаў чарговай ахвярай расізму[3].
Крыстафер быў абвінавачаны ў забойстве Стыва Ломана і ў 1992 годзе прысуджаны да пажыццёвага пазбаўлення волі з правам падачы хадайніцтва на ўмоўна-датэрміновае вызваленне ў 2042 годзе, пасля чаго этапаваны для адбыцця пакарання ў Columbia Correctional Institution у штаце Вісконсін[4].
Забойства Джэфры Дамера[правіць | правіць зыходнік]
28 лістапада 1994 года Крыстафер Скарвер здзейсніў напад на зняволеных Джэфры Дамера і Джэсі Андэрсана, нанёсшы ім цяжкія калецтвы. Усе трое раніцай таго дня былі прызначаныя на ўборку туалетаў і душавых кабін побач з трэнажорнай залай. Зняволеных пакінулі без нагляду на 20 хвілін, на працягу якіх паміж Скарверам і яго напарнікамі адбыўся канфлікт, які скончыўся збіццём Дамера і Андэрсана. У 8:10 раніцы Дамер быў знойдзены без прытомнасці і праз гадзіну ад атрыманых траўмаў галавы памёр[5]. Андэрсан памёр праз некалькі дзён. Скарвер не пажадаў растлумачыць матыў свайго ўчынку, спасылаючыся на галасы Бога ў галаве[6], і стаў праяўляць прыкметы псіхічнага расстройства[7][8]. Было зроблена здагадка, што асноўным матывам забойстваў Скарвера была расавая нянавісць, так як сярод ахвяр Дамера было 13 афраамерыканцаў, а Андэрсан абвінавачваў у забойстве сваёй жонкі, за якое адбываў тэрмін, двух чарнаскурых[9]. Крыстаферу Скарверу былі прад’яўленыя новыя абвінавачванні, і ў траўні 1995 года ён быў прысуджаны яшчэ да двух пажыццёвых зняволенняў за забойствы Дамера і Андэрсана[10].
Наступнае зняволенне[правіць | правіць зыходнік]
У 1995 годзе Крыстафер Скарвер быў пераведзены ў турму штата Каларада, дзе правёў 5 гадоў і прайшоў курс працяглай рэабілітацыі ад псіхічных расстройстваў, пасля чаго быў пераведзены ў турму Wisconsin Secure Program Facility, дзе таксама праходзіў курс лячэння. Ён двойчы спрабаваў здзейсніць самагубства. У 2005 годзе яго адвакаты падалі ў суд на кіраўніцтва турмы, спасылаючыся на тое, што незаконныя метады лячэння падарвалі фізічнае і псіхічнае здароўе зняволенага. У 2006 годзе пазоў быў адхілены за недахопам доказаў[11].
У 2015 годзе Крыстафер Скарвер атрымаў другую хвалю вядомасці, даўшы інтэрв’ю газеце New York Post, у якім ён дэталёва распавёў пра падзеі раніцай 28 лістапада 1994 года. Як матыў забойства Скарвер паказаў асабістую непрыязнасць да Джэфры Дамера з-за яго паводзін у турме, яго забаў і гумару. Скарвер удакладніў, што прыладай забойства паслужыў металічны прут[12], а не тронак ад швабры, як паведамлялася раней[13].
Зноскі
- ↑ Suspect in Dahmer Killing Said, 'I'm the Chosen One' // The New York Times / J. Kahn — Manhattan, NYC: New York Times Company, A. G. Sulzberger, 1994. — ISSN 0362-4331; 1553-8095; 1542-667X
- ↑ Don Terry. Suspect in Dahmer Killing Said, 'I'm the Chosen One'. New York Times (30 лістапада 1994). Архівавана з першакрыніцы 9 красавіка 2012. Праверана 1 кастрычніка 2017.
- ↑ [https://www.nytimes.com/1994/11/30/us/suspect-in-dahmer-killing-said-i-m-the-chosen-one.html Suspect in Dahmer Killing Said, 'I'm the Chosen One' By DON TERRY, By DON TERRY, Published: November 30, 1994]. Архівавана з першакрыніцы 9 красавіка 2012. Праверана 1 кастрычніка 2017.
- ↑ Dahmer Is Beaten To Death In Prison Another Prisoner Was Also Attacked. A Third Was Arrested In The Notorious Killer's Slaying. Philadelphia news (29 лістапада 1994). Архівавана з першакрыніцы 24 чэрвеня 2016. Праверана 5 чэрвеня 2016.
- ↑ Don Terry. Jeffrey Dahmer, Multiple Killer, Is Bludgeoned to Death in Prison. New York Times (30 лістапада 1994). Архівавана з першакрыніцы 21 жніўня 2014. Праверана 1 кастрычніка 2017.
- ↑ Dahmer's alleged killer heard voices. November 30, 1994. Архівавана з першакрыніцы 19 красавіка 2016. Праверана 5 чэрвеня 2016.
- ↑ Dahmer Suspect Has Mental-illness. Posted: November 30, 1994. Архівавана з першакрыніцы 4 сакавіка 2016. Праверана 5 чэрвеня 2016.
- ↑ Dahmer Slaying Suspect Claims He Is Son Of God. Orlando Sentinel (29 лістапада 1994). Архівавана з першакрыніцы 5 жніўня 2016. Праверана 5 чэрвеня 2016.
- ↑ Edward Walsh. Serial killer Dahmer slain at prison job (29 лістапада 1994). Архівавана з першакрыніцы 9 жніўня 2016. Праверана 5 чэрвеня 2016.
- ↑ Inmate Pleads No Contest In Jeffrey Dahmer Killing (16 мая 1995). Архівавана з першакрыніцы 5 жніўня 2016. Праверана 5 чэрвеня 2016.
- ↑ Christopher J. Scarver, Plaintiff-Appellant, v. Jon Litscher, et al., Defendants-Appellees, No. 05-2999 U.S. 434 F.3d 972. United States Court of Appeals for the Seventh Circuit(недаступная спасылка) (2006-01-18, Decided). Архівавана з першакрыніцы 4 сакавіка 2016. Праверана 5 чэрвеня 2016.
- ↑ Jamie Schram. Why I killed Jeffrey Dahmer (28 красавіка 2015). Архівавана з першакрыніцы 25 верасня 2016. Праверана 5 чэрвеня 2016.
- ↑ Inmate Bludgeoned With Jeffrey Dahmer on Work Detail Dies (1 снежня 1994). Архівавана з першакрыніцы 25 студзеня 2014. Праверана 1 кастрычніка 2017.