Мікалай Барысавіч Фадзеечаў

Мікалай Барысавіч Фадзеечаў
руск.: Николай Борисович Фадеечев
Род дзейнасці	артыст балета, педагог
Дата нараджэння	27 студзеня 1933(1933-01-27)
Месца нараджэння	Масква, РСФСР, СССР
Дата смерці	23 чэрвеня 2020(2020-06-23) (87 гадоў)
Месца смерці	Масква, Расія
Месца пахавання	Новадзявочыя могілкі
Грамадзянства	СССР  Расія
Дзеці	Alexei Fadeyechev[d]
Узнагароды і прэміі
Медыяфайлы на Вікісховішчы

Мікалай Барысавіч Фадзеечаў (руск.: Никола́й Бори́сович Фаде́ечев; 27 студзеня 1933, Масква — 23 чэрвеня 2020, там жа) — савецкі і расійскі артыст балета, педагог; народны артыст СССР (1976), лаўрэат прэміі імя Вацлава Ніжынскага (1958).

Біяграфія

У 1952 годзе скончыў Маскоўскую харэаграфічнае вучылішча (цяпер Маскоўская дзяржаўная акадэмія харэаграфіі) па класе А. М. Рудэнкі. На выпускным спектаклі разам з Марынай Кандрацьевай выканаў галоўныя партыі ў балеце «Шчаўкунок» П. І. Чайкоўскага.

Дзякуючы добрым прыродным дадзеным, выдатнай школе, прыроджанай далікатнасці і чуласці ў дуэтным танцы, высунуўся ў салісты і аказаўся незаменным партнёрам для ўсіх вядучых балерын свайго часу. У розныя гады ён танчыў з Г. С. Уланавай, М. М. Плісецкай (пастаянны партнёр усе 1960-я гады), Р. С. Стручковай, Н. У. Цімафеевай, М. В. Кандрацьевай, С. Дз. Адырхаевай , Н. І. Бяссмертнавай, К. С. Максімавай, Л. І. Семянякай.

У 1956 годзе быў удзельнікам першых гастроляў Вялікага тэатра ў Лондане, дзе дэбютаваў у балеце «Жызэль» А. Адана з Галінай Уланавай. Ангельскія рэцэнзенты назвалі яго «самым арыстакратычным камуністам». Паўтарыў поспех у Парыжы. У 1961 годзе быў удзельнікам першых гастроляў Вялікага тэатра ў ЗША, дзе быў партнёрам Маі Плісецкай.