Мікола Пятровіч Луфераў

Мікола Пятровіч Луфераў
Мікола Пятровіч Луфераў
Асабістыя звесткі
Дата нараджэння	7 студзеня 1929
Месца нараджэння	Трубільня, Тур’яўскі сельсавет, Краснапольскі раён, Магілёўская акруга, БССР, СССР;
Дата смерці	1994
Альма-матар	МДУ імя А. А. Куляшова;
Прафесійная дзейнасць
Род дзейнасці	літаратуразнавец

Мікола Пятровіч Луфераў (7 студзеня 1929 в. Трубільня, Краснапольскі раён-1994) — беларускі крытык і літаратуразнавец. Кандыдат філалагічных навук (1956).

Біяграфія[правіць | правіць зыходнік]

Скончыў філалагічны факультэт Магілёўскага педагагічнага інстытута (1950), аспірантуру пры Мінскім педінстытуце (1954).

Першая рэцэнзія надрукавана ў газеце «Літаратура і мастацтва» у 1952 г. Літаратурна-крытычныя артыкулы друкаваў у часопісах «Полымя», «Маладосць», газетах «Звязда», «Советская Белоруссия», «Літаратура і мастацтва», «Настаўніцкая газета» і інш. Даследаваў праблемы гісторыі беларускай савецкай літаратуры. Адзін з аўтараў кніг «Праблемы беларускай сучаснай прозы», «Гісторыя беларускай савецкай літаратуры» (Т.1), падручніка для філалагічных факультэтаў педінстытутаў «Гісторыя беларускай савецкай літаратуры», аўтар манаграфіі «Проза Кузьмы Чорнага», брашуры «Кузьма Чорны» і інш.

Зноскі

Літаратура[правіць | правіць зыходнік]

Луфераў М. П. Беларуская энцыклапедыя у 18 т. т.9.- Мн.: БелЭн., 1999.- С.375