Партрэт Людвіка Фердынанда Гогенцолерна
| ||
| Партрэт Людвіка Фердынанда Гогенцолерна. Апошняя чвэрць XVIII ст. | ||
| Матэрыял | Палатно, алей | |
|---|---|---|
| невядома | ||
«Партрэт Людвіка Фердынанда Гогенцолерна» — карціна са збораў Нясвіжскага замка, напісаная ў апошняй чвэрці XVIII стагоддзя. Месцазнаходжанне невядома[1].
Імя асобы на партрэце ў анатацыі да здымка ў Інстытуце мастацтва Польскай акадэміі навук стаіць са знакам пытання. Параўнанне з партрэтам Людвіка Фердынанда, датаваным 1799 г., аўтарства Жана-Ларана Менье, дазваляе зняць пытанне. Безумоўна, на партрэце з Нясвіжа сапраўды адлюстраваны Людвік Фердынанд Гогенцолерн, сын прынца Аўгуста Фердынанда і Луізы Брандэнбург-Швецкай. Узнагароджаны ордэнам Чорнага Арла, які добра бачны з левага боку[1].
Партрэты Гогенцолернаў апынуліся ў Нясвіжы дзякуючы Луізе Прускай, жонцы князя Антонія ІІІ Генрыха Радзівіла, 12-га ардыната Нясвіжскага. Наяўнасць партрэта Людвіка падцвярджаецца вопісам 1939 г. Знаходзіўся ў пакоях старой княгіні[1].
Пасля 1939 г. партрэт трапіў у Мінск, адкуль, верагодна, вывезены ў Германію ў 1944 г. Сучаснае месцазнаходжанне невядома[1].
Зноскі
- ↑ а б в г Лёс фамільных скарбаў магнацкіх родаў Беларусі : зборнік матэрыялаў Міжнароднай навуковай канферэнцыі «Лёс фамільных скарбаў магнацкіх родаў Беларусі» (Нясвіж, 10 лістапада 2020 г.) і Міжнароднага навуковага семінара «Крыпта князёў Радзівілаў у Нясвіжы: гісторыя, сучасны стан, даследаванні, перспектывы выкарыстання» (Нясвіж, 4 кастрычніка 2019 г.)/ уклад. У. У. Караленак, С. М. Клімаў. — Нясвіж : Нацыянальны гісторыка-культурны музей-запаведнік «Нясвіж», 2020. 380 с. [16] л. іл.: іл. ISBN 978-985-904-826-5.