Партрэт невядомай (Нясвіж, Нацыянальны мастацкі музей Рэспублікі Беларусь)
| | |
| Партрэт невядомай. ХІХ стагоддзе | |
| Матэрыял | Палатно, алей |
|---|---|
| Памеры | 60 × 42 см |
| Нацыянальны мастацкі музей Рэспублікі Беларусь, Мінск | |
| (інв. ЗЖ 227. НММ РБ) | |
«Партрэт невядомай» — карціна са збораў Нясвіжскага замка, напісаная ў ХІХ стагоддзі невядомым мастаком. Захоўваецца ў калекцыі Нацыянальнага мастацкага музея Рэспублікі Беларусь (інв. ЗЖ 227. НММ РБ). Памер карціны — 60 × 42 см[1].
._%D0%93%D0%B0%D0%BD%D0%BD%D0%B0_%D0%9A%D1%83%D0%BD%D1%8D%D0%B3%D1%83%D0%BD%D0%B4%D0%B0_%D0%A0%D0%B0%D0%B4%D0%B7%D1%96%D0%B2%D1%96%D0%BB_(%D0%A5%D0%B0%D0%BB%D0%B5%D1%86%D0%BA%D0%B0%D1%8F)_(1748).jpg)
Паводле версіі А. А. Ярашэвіча на партрэце можа быць выява Ганны Кунегунды Радзівіл з Халецкіх[1].
Да 1939 г. у калекцыі князёў Радзівілаў у Нясвіжы. Захоўваўся ў Вялікай сталовай зале (былой Гетманскай) у паўднёвай галерэі. Пасля 1939 г. трапіў у Мінск. У 1944 г. вывезены ў Германію, спачатку ў Гёхштат (№ 598/151), пазней перавезены амерыканскімі прадстаўнікамі ў Мюнхен (№ 14542/151). 17 мая 1949 перавезены ў Вісбадэн. Паступіў пасля рэстытуцыі з Германіі ў Дзяржаўны мастацкі музей БССР у 1957 г. ад ДМВП г. Масква (інв. № 129)[1].
Зноскі
- ↑ а б в Лёс фамільных скарбаў магнацкіх родаў Беларусі : зборнік матэрыялаў Міжнароднай навуковай канферэнцыі «Лёс фамільных скарбаў магнацкіх родаў Беларусі» (Нясвіж, 10 лістапада 2020 г.) і Міжнароднага навуковага семінара «Крыпта князёў Радзівілаў у Нясвіжы: гісторыя, сучасны стан, даследаванні, перспектывы выкарыстання» (Нясвіж, 4 кастрычніка 2019 г.)/ уклад. У. У. Караленак, С. М. Клімаў. — Нясвіж : Нацыянальны гісторыка-культурны музей-запаведнік «Нясвіж», 2020. 380 с. [16] л. іл.: іл. ISBN 978-985-904-826-5.