Себарэя

З пляцоўкі Вікіпедыя.
Перайсці да: рух, знайсці
Себарэйны дэрматыт
Seborrheic keratosis (3).jpg
Гісталагічная карціна себарэйнага дэрматыту
МКХ-10 L21.21.
DiseasesDB 11911 11911
MedlinePlus 000963 000963
MeSH D012628 D012628

Себарэя (ад лац.: Sebum (сала) і грэч. Rrhea (цяку)) — хваравіты стан скуры, абумоўлены ўзмоцненым салааддзяленнем з прычыны парушэння нейраэндакрыннай рэгуляцыі функцый сальных залозаў скуры.

Віды себарэі[правіць | правіць зыходнік]

Адрозніваюць 3 віды себарэі: тлустая, сухая і змешаная.

Тлустая себарэя[правіць | правіць зыходнік]

Тлустая себарэя выяўляецца ў пашырэнні вусця сальных залоз. Пры гэтым зніжаецца эластычнасць скуры, назіраюцца пашыраныя поры, можа адбывацца закаркаванне сальна-валасяных фалікул рагавымі масамі, што прыводзіць да ўтварэння камедонаў і вугравых высыпанняў. Таксама назіраецца падвышаная тлустасць валасоў і жаўтлявыя лускавінкі на галаве. Тлустая себарэя можа прыводзіць да ўзнікнення гнайніковых захворванняў скуры.

Тлустая себарэя характэрная для падлеткавага ўзросту і часцей выяўляецца ў жанчын (60% пацыентаў).

Сухая себарэя[правіць | правіць зыходнік]

Сухая себарэя ўяўляе сабой паніжанае салааддзяленне, пры гэтым на скуры галавы і ў валасах багата лускавінак перхаці. Сухая себарэя з'яўляецца як вынік зніжэння імунітэту з прычыны інтэнсіўных эмацыйных, фізічных нагрузак і няправільнага харчавання. Цыкл натуральнага адлушчвання клетак скуры скарачаецца, узнікае перхаць, парушаецца структура воласа (валасы робяцца тонкімі, сухімі, ломкімі), можа назірацца выпадзенне валасоў.

Змешаная себарэя[правіць | правіць зыходнік]

Пры змешанай себарэі ў пацыента могуць назірацца прыкметы сухой і тлустай себарэі на аднолькавых участках скуры.

Прыкметы себарэі[правіць | правіць зыходнік]

Себарэя выяўляецца ў павышаным вылучэнні скурнага сала і яго якаснай змене.

  • Патаўшчэнне рагавога пласта эпідэрмісу
  • Тлусты бляск скуры
  • Лушчэнне скуры
  • Скурны сверб
  • Выпадзенне валасоў
  • Багатая перхаць

Гл. таксама[правіць | правіць зыходнік]

Літаратура[правіць | правіць зыходнік]

  • Беларуская энцыклапедыя: У 18 т. Т.14: Рэле — Слаявіна / Рэдкал.: Г. П. Пашкоў і інш — Мінск: БелЭн, 2002. — Т. 14. — 512 с. — 10 000 экз. — ISBN 985-11-0238-5 (Т. 14).