Стрыечны шлюб

Стрыечны шлюб — адна з абавязковых або пераважных формаў шлюбу, тыповая для радавога грамадства.

Віды

Адрозніваюць два галоўныя віды стрыечнага шлюбу:

• орта-стрыечны (паралельна-стрыечны) — з дачкой брата бацькі або з дачкой сястры маці.
• крос-стрыечны (перакрыжавана-стрыечны) — з дачкой сястры бацькі або з дачкой брата маці.

Гісторыя

З’яўляўся пераважнай формай шлюбу пры радавым ладзе, бо забяспечваў узаемны шлюбны саюз двух экзагамных родаў. З раскладаннем радавога ладу захаваўся як перажытак. У Новы час быў характэрны для вышэйшых слаёў грамадства. Орта-стрыечны шлюб, г.зн. шлюб з дачкой брата бацькі (асабліва ў арабаў, малагасійцаў, часткі народаў банту, некаторых народаў Дагестана і Сярэдняй Азіі) або, што сустракалася радзей, з дачкой сястры маці (у туарэгаў), часта рабіўся пераважным, бо дазваляў захаваць маёмасць у межах вялікай сям’і ці іншых блізкароднасных груп.

Літаратура

• Крещение Господне — Ласточковые. — М. : Большая Российская энциклопедия, 2010. — 752 с. — (Большая российская энциклопедия : [в 35 т.] / гл. ред. Ю. С. Осипов; 2004—). — ISBN 978-5-85270-347-7.