Томас Васберг
| Томас Васберг | |
|---|---|
.jpg) | |
| Род дзейнасці | лыжнік, лыжны гошчык |
| Дата нараджэння | 27 сакавіка 1956 (68 гадоў) |
| Месца нараджэння | |
| Грамадзянства | |
| Узнагароды і прэміі |
медаль Хольменколена[d] (1980) |
 Медыяфайлы на Вікісховішчы | |
Томас Ларс Васберг (швед. Thomas Lars Wassberg, нар. 27 сакавіка 1956 г., Ленартсфорс, Вермланд, Швецыя) — шведскі лыжнік, 4-кратны алімпійскі чэмпіён (1980 г. — у гонцы на 15 км, 1984 — у гонцы на 50 км і эстафеце 4 × 10 км, 1988 — у эстафеце), шматразовы чэмпіён свету. Уладальнік Кубка свету 1976/77 гадоў (неафіцыйны залік).
На Алімпіядзе 1980 года ў Лейк-Плэсідзе ў гонцы з раздзельным стартам на 15 км Васбергу для перамогі трэба было паказаць час лепш, чым у фіна Юхі Міета — 41 хвіліна, 57 цэлых і 64 сотых секунды. Васберг спыніў секундамер на фінішы на адзнацы 41:57.63, апярэдзіўшы фіна на 1 сотую секунду — самы малы інтэрвал паміж першым і другім месцам у гісторыі лыжных гонак на Алімпіядах. Беспрэцэдэнтнасць гэтага выпадку і драматызм сітуацыі з’явіліся ў вялікай ступені прычынай адмены уліку сотых доляй секунды ў лыжных гонках.