Тэатр фон Краля

Тэатр фон Краля
Заснаваны	1992
Сайт	vonkrahl.ee
Медыяфайлы на Вікісховішчы

Тэатр фон Краля (эст.: Von Krahli Teater) — тэатр драмы ў Таліне (Эстонія).

Створаны ў 1992 годзе на базе трупы, якую ўзначальвае рэжысёр Пеэтэр Ялакас. Першы ў Эстоніі прыватны тэатр, заснаваны пасля аднаўлення ў 1991 годзе яе незалежнасці. Хаця афіцыйнай датай заснавання тэатра лічыцца 1992 год, трупа пад кіраўніцтвам Пеэтэра Ялакаса ўтварылася раней. Будынак тэатра, дзе апроч спектакляў таксама праходзяць канцэрты, знаходзіцца ў Старым горадзе Таліна на вуліцы Ратаскаэву.

Кіраўнік тэатра — Пеэтэр Ялакас (нар. 1961).

З 2003 года пры тэатры дзейнічае Акадэмія фон Краля (эст.: Von Krahli Akadeemia), якая ладзіць лекцыі, дыспуты і сустрэчы з рэжысёрамі і акцёрамі. У 2007 годзе тэатрам сумесна з Вільяндзіскай Акадэміяй культуры Тартускага ўніверсітэта арганізавана акцёрская школа.

Літаратура

• Tallinna entsüklopeedia [Encyclopedia of Tallinn]. Volume II (N-Ü) (in Estonian). Eesti Entsüklopeediakirjastuse AS. 2004. p. 337.