Тэрмаэлектронная эмісія

Тэрмаэлектронная эмі́сія, эфект Рычардсана — з'ява вылучэння электронаў у вакуум або разрэджанае асяроддзе нагрэтымі целамі (цвёрдымі, радзей — вадкімі). Упершыню даследавана ў 1900—1901 гг. О. У. Рычардсанам (Нобелеўская прэмія па фізіцы 1928 г.).

Пакідаючы рэчыва, электроны павінны мець кінетычную энергію, дастатковую для пераадолення патэнцыяльнага бар'ера. Найменшая велічыня гэтай энергіі мае назву работа выхаду і з'яўляецца адной з характарыстык рэчыва.

На з'яве тэрмаэлектроннай эмісіі заснавана дзейнасць многіх электравакуумных і газаразрадных прыбораў і прылад.

Літаратура

• Наумчик В. Н. Физика: словарь-справочник для школьников / В. Н. Наумчик, Э. М. Шпилевский. — Мн.: Новое знание, 2010. — С. 364—365. — 592 с. — 3 010 экз. — ISBN 978-985-475-397-3. (руск.)

Спасылкі

• Термоэлектронная эмиссия (руск.) — артыкул з Вялікай савецкай энцыклапедыі
• Работа выхода (руск.) — артыкул з Вялікай савецкай энцыклапедыі