Эльміра Дзянісаўна Муратава

Эльміра Дзянісаўна Муратава
Дата нараджэння	28 верасня 1941(1941-09-28)
Месца нараджэння	Уфа, Башкірская Аўтаномная Савецкая Сацыялістычная Рэспубліка, РСФСР, СССР
Дата смерці	2 жніўня 2023(2023-08-02) (81 год)
Род дзейнасці	рэдактар, перакладчыца, літаратуразнаўца, выкладчыца ўніверсітэта
Месца працы	Uzbek State World Language University[d] Kokand state pedagogical institute after Mukimi[d]
Навуковая ступень	доктар філалагічных навук
Навуковае званне	прафесар
Альма-матар	Uzbek State World Language University[d] (1965)

Эльміра Дзянісаўна Муратава (нар. Латыпава; 28.9.1941 — 2.8.2023) — узбекская вучоная-філолаг, рэдактар, перакладчык, літаратуразнавец. Доктар філалагічных навук.

Біяграфія

Нарадзілася ў сям’і ваеннага ва Уфе. У 1945—1947 гадах Латыпавы жылі ў Германіі, у горадзе Ратэнаве, паколькі бацька заставаўся на ваеннай службе.

У 1947 годзе бацьку перавялі ва Узбекістан, і з 1948 па 1958 год Эльміра Дзянісаўна вучылася ў школе № 30 горада Ташкента.

У 1965 годзе скончыла Ташкенцкі дзяржаўны педагагічны інстытут замежных моў. З другога курса пачала прыцягвацца як перакладчык спачатку на міжнародныя канферэнцыі пісьменнікаў краін Азіі, Афрыкі і Лацінскай Амерыкі, якія праходзілі кожныя два гады ў Ташкенце, а потым на кінафестывалі, пакуль яны працягваліся ў Ташкенце. У 1963—1964 гг. працавала ў Індыі ў якасці перакладчыка галоўнага інжынера на заводзе горна-шахтавага абсталявання.

У 1965—1967 гадах выкладала англійскую мову ў Какандскім педагагічным інстытуце. З 1976 па 1981 год Э. Д. Муратава спачатку стажыравалася, а затым і вучылася ў вочнай аспірантуры Маскоўскага дзяржаўнага ўніверсітэта імя М. Ламаносава.

З 1973 па 1991 год выкладала гідам-перакладчыкам Інтурыста, а з 1987 года ўзначальвала філіял Інстытута павышэння кваліфікацыі работнікаў Інтурыста, які адкрылі ў Ташкенце для спецыялістаў, што працавалі ў Цэнтральнай Азіі. Адначасова працягвала працаваць паслядоўным і сінхронным перакладчыкам. У 1992—2000 гадах працавала ў прадстаўніцтве Сусветнага банка ў Ташкенце. З 1967 года выкладала ва Узбекскім дзяржаўным універсітэце сусветных моў.

Памерла ў 2023 годзе.

Навуковая дзейнасць

У 1981 годзе абараніла кандыдацкую дысертацыю «Праблемы вайны і міру ў творчасці Джэймса Джонса» па амерыканскай літаратуры (гэта была першая дысертацыя па гэтым пісьменніку ў СССР і ЗША), у 1986 годзе атрымала званне дацэнта.

Э. Муратава доўгія гады працава над рэдакцыяй навукова-метадычнага часопіса «Вопросы философии», у прыватнасці займалася большасцю англамоўных публікацый у ім. Таксама вяла курс «Таҳрир санъати» — Мастацтва рэдактуры. Пад яе кіраўніцтвам абаранілі некалькі доктарскіх дысертацый.