H,s-дыяграма

h,s-дыяграма, i,s-дыяграма, h,s-дыяграма Малье́ – дыяграма цеплафізічных уласцівасцяў вадкасці і газа ў залежнасці ад параметраў стану.

Ужыццё атрымалі дыяграмы ўласцівасцяў вады і вадзяной пары, як найбольш выкарыстальныя ў цеплатэхніцы ў якасці рабочага цела субстанцыі (з прычыны распаўсюджанасці і таннасці).

Большая плошча дыяграмы адведзена пад частку з уласцівасцямі паравой фазы (вадкая фаза ў якасці цепланосьбіта мае абмежанні з прычыны несцісканасці вады).

Гісторыя і развіццё

У 1904 годзе нямецкі фізік Р.Малье (1863-1935) на базе табліц уласцівасцяў вады і вадзяной пары распрацаваў графічную дыяграму ў h-s каардынатах. У 1906 годзе у Берліне выйшла ягоная кніга “Новыя табліцы і дыяграмы для вадзяной пары”.

Па сутнасці, дыяграма – дакладны графічны аналаг цеплафізічных табліц уласцівасцяў вады і вадзяной пары, дадзеныя якіх атрыманыя вопытным шляхам.

На сучасным этапе распаўсюджанне атрымліваюць электронныя версіі дыяграмы, якія больш зручныя ў скарыстанні і маюць меньшую хібнасць.

Структура

Дыяграма змяшчае дадзеныя пра велічынi такіх фізічных параметраў вады і вадзяной пары, як:

• $h$ - удзельная энтальпія [кДж/кг],
  

• $s$ - удзельная энтрапія [кДж/(кг∙К)],
  

• $v$ - удзельны аб’ём [м³/кг],
  

• $p$ - абсалютны ціск [бар],
  

• $p$ - тэмпература [°C],
  

• $x$ - ступень сухасці пары.
  

Велічыні, якія адносяцца да вадкай фазы абазначаюцца з апострафам; велічыні, якія адносяцца да паравой фазы - з двайным апострафам. Прыклад: $s'$ - удзельная энтрапія вады, $s''$ - удзельная энтрапія пары.

Гл. таксама

i,d-дыяграма

p,v-дыяграма

T,s-дыяграма

Крыніцы

• Ривкин С. Л., Александров А. А. Теплофизические свойства воды и водяного пара — Москва: Энергоатомиздат, 1980, 424 с.