Зігаміцэты

Зігаміцэты
Мукор на хлебе
Навуковая класіфікацыя
Дамен:  Эўкарыёты Царства:  Грыбы Аддзел:  Зігаміцэтавыя грыбы Клас:  Зігаміцэты
Міжнародная навуковая назва
Zygomycetes Moreau, 1954
Парадкі
Asellariales Basidiobolales Dimargaritales Эндаганальныя (Endogonales) Энтамафтаральныя (Entomophthorales) Harpellales Kickxellales Mortierellales Мукаральныя (Mucorales) Заапагавыя (Zoopagales)
Сістэматыка на Віківідах Выявы на Вікісховішчы ITIS   936291 EOL   5560 MB   90405 FW   212613

Зігаміцэ́ты (Zygomycetes) — клас ніжэйшых грыбоў.

Апісанне

Міцэлій добра развіты, шмат'ядзерны, няклетачны, у спелым стане падзелены на клеткі. У клетачных абалонках ёсць хіцін, хітазан, часам глюкан. Палавы працэс — зігагамія (зліццё дзвюх недыферэнцыраваных на гаметы клетак) з утварэннем зігаспораў (адсюль назва). Зігота ўтварае спарангій з рознымі па палавым знаку спорамі ў адрозненне ад бясполага спарангія. Бясполае размнажэнне нерухомымі спарангіяспорамі або канідыямі. Органы бясполага размнажэння марфалагічна разнастайныя (сістэматычная прыкмета).

Распаўсюджанне

Налічваецца больш за 500 відаў. Пашыраны ў Еўразіі, Афрыцы, Паўночнай Амерыцы. На Беларусі каля 20 відаў з парадкаў мукаральных (Mucorales) і энтамафтаральных (Entomophthorales).

Значэнне

Сапратрофы, ёсць паразіты. Пасяляюцца ў глебе, на агародніне, псуюць харчовыя прадукты, выклікаюць мукарамікозы жывёл і чалавека, гніенне сельскагаспадарчай прадукцыі. Некаторыя віды з родаў мукор (Mucor), фікаміцэс (Phycomyces) і інш. выкарыстоўваюцца ў мікрабіялагічнай і харчовай прамысловасці, віды энтамафтаральных — для біялагічнай барацьбы з насякомымі-шкоднікамі.

Літаратура

• Зігаміцэты // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).