Песцік

1 — рыльца, 2 — завязь

Рыльца пладніка

Пе́сцік, або пладні́к — асноўная частка кветкі, якая удзельнічае ва ўтварэнні плода. Утвараецца з аднаго (просты) ці некалькіх (складаны) пладалісцікаў.

Песцік складаецца з завязі, слупка і рыльца. У некаторых відаў адсутнічае слупок, тады рыльца завецца сядзячым.

Сукупнасць усіх песцікаў кветкі складае гінецэ́й (жаночая частка кветкі). Ён можа быць адначленным, калі ў яго склад уваходзіць адзін пладалісцік (адзін просты песцік), ці мнагачленным — калі некалькі. Калі мнагачленны гінецэй утвараецца некалькімі простымі песцікамі, ён завецца апакарпным, а калі адным складаным — цэнакарпным.

Глядзі таксама

• Тычынка
• Апыленне

Літаратура

• Биологический энциклопедический словарь / Гл. ред. М.С. Гиляров; Редкол.: А.А. Баев, Г.Г. Винберг, Г.А. Заварзин и др. — М.: Сов. энциклопедия, 1986.
• Лісаў М.Дз. Батаніка з асновамі экалогіі: Вучэб. дапам. / М.Дз. Лісаў. — Мн.: Выш. шк., 1998.
• Рейвн П., Эверт Р., Айкхорн С. Современная ботаника: В 2-х т. Пер. с англ. — М.: Мир, 1990.