Гульні з быком (фрэска)
| ||
| невядома[2] | ||
| Гульні з быком. каля 1550 да н.э.[1] і каля 1450 да н.э.[2] | ||
| Матэрыял | фарба для фрэскі[d] | |
|---|---|---|
| Тэхніка | фрэска | |
| Памеры | 80[3][4] × см | |
| Археалагічны музей Іракліёна[d] | ||
 Медыяфайлы на Вікісховішчы | ||
Гульні з быком — фрэска, найбольш поўна адноўленая з некалькіх тынкаваных панэлей, першапачаткова размешчаных на ўсходняй сцяне палаца ў Кносе на Крыце. Хоць тэхнічна гэты твор з’яўляецца фрэскай, панэлі распісваліся па тынкоўцы рэльефнай сцяны і таму класіфікуюцца як пластычнае мастацтва.
Апісанне[правіць | правіць зыходнік]
На фрэсцы намаляваная таўракатапсія — рытуальныя скачкі праз быка. Велізарны бык у шалёным галопе. Яго знарочыста падоўжаная постаць магутнай сваёй масай запаўняе амаль усю фрэску. Велізарныя памеры падкрэсліваюць яго боскае паходжанне. Як і ў Егіпце, маштаб сімвалізаваў значнасць адлюстроўванага[5].
Не дакранаючыся капытамі да зямлі, імчыцца велізарны бык, цяжка нагнув сваю магутную галаву, выставіўшы ўперад рогі. Выгіб яго тулава нагадвае вялікі гімнастычны снарад. Адзін з акрабатаў схапіўся за рогі і збіраецца скокнуць на спіну быка, а іншы, выставіўшы перад сабой рукі, рыхтуецца да грацыёзнага сальта прама над галавой жывёлы[6]. Якая б ні была разбуральная стыхійная моц быка, ёсць надзея, што чалавек пераможа ў гэтай сутычцы. Зграбныя і вывастраныя рухі акрабатаў, а бакавыя фігуры візуальна як бы стрымліваюць напор быка. Чалавек рана ці позна возьме верх над неўтаймаванай стыхіяй прыроды. Яны апранутыя аднолькава — з павязкай на сцёгнах, таліі сцягнутыя металічнымі паясамі. Падкрэслены шырыня грудзей, тонкасць таліі, гнуткасць і мускулістасць рук і ног. Гэтыя асаблівасці лічыліся прыкметамі прыгажосці. Такія небяспечныя практыкаванні з раз’юшаным быком мелі не толькі відовішчны, але і сакральны сэнс. Мастак настолькі па-майстэрску захаваў вясёлую і нязмушаную гульню акрабатаў, што мы забываем аб смяротнай небяспецы падобных трукаў. Фрэска ўспрымаецца як гімн прыгажосці і спрыту чалавека, які перамагае грозную і магутную прыроду. І хоць мастакі яшчэ не валодаюць прыёмамі аб’ёмна-прасторавага малюнка, іх кампазіцыі не здаюцца застылымі і знежывелымі.
Фарбы (колеравая гама)[правіць | правіць зыходнік]
Мастак выкарыстаў пяць фарбаў: чорную, белую, блакітную, жоўтую і чырвоную, яны ствараюць багатую каляровую палітру. Ім, як і егіпецкім фрэскам, уласцівая ўмоўнасць колеру: мужчынскія фігуры пішуцца цёмнай цагляна-чырвонай фарбай, а жаночыя — светлай[4].
-
Левая частка фрэскі -
Цэнтральная частка фрэскі -
Правая частка фрэскі
Рэканструкцыя фрэскі[правіць | правіць зыходнік]
У рэканструкцыі фрэска складзена з кавалачкаў некалькіх роспісаў на тую ж тэму, якія ішлі серыяй адзін за адным і паказвалі паслядоўныя стадыі скачку[4]. Калі б яны захаваліся, перад археолагамі адкрылася б нешта накшталт кадраў сучаснага фільма[7].
Зноскі
- ↑ http://odysseus.culture.gr/h/4/eh430.jsp?obj_id=7915 Праверана 30 кастрычніка 2016.
- ↑ а б Make Lists, Not War — 2013.
- ↑ Разам з каймой.
- ↑ а б в Бекетт В.; Пер. с англ. В. Нетесовой. История живописи. — М.: Астрель: АСТ, 2007. — С. 14-15. — 400 с.: ил. с.
- ↑ «Игры с быком»
- ↑ Эгейское искусство — Искусство (I часть) — Каталог файлов — История и культура СПб 329
- ↑ Развлечения Минойской цивилизации. Игры с быком Архівавана 15 мая 2017. (руск.)
Спасылкі[правіць | правіць зыходнік]
|
Гульні з быком (фрэска) на Вікісховішчы |
|---|
- Развлечения Минойской цивилизации. Игры с быком Архівавана 15 мая 2017. (руск.)