Пётр з Дусбурга

Пётр з Дусбурга
Дата нараджэння	XIII стагоддзе
Дата смерці	XIV стагоддзе
Род дзейнасці	гісторык, пісьменнік

Пётр з Дусбурга, Пётр з Дуйсбурга, Пётр Дзюзбург (сярэдзіна 13 ст. — пасля 1330) — брат-святар і храніст Тэўтонскага ордэна.

Дакладных звестак пра жыццё Пятра няма. Радзімай храніста працяглы час лічылі горад Дуйсбург (Duisburg) на Рэйне. Але польская даследчыца М. Палякуўна выказала здагадку, што ён быў выхадцам з галандскага горада Дусбурга, які знаходзіўся на тэрыторыі ордэнскага балея Утрэхт, які належаў Тэўтонскаму ордэну яшчэ ў першай палове XIII ст.. Цяпер абедзве гэтыя версіі суіснуюць паралельна.

Асноўны твор — «Chronicon Terrae Prussiae», даведзены да 1326 года з дадаткамі да 1330 года. Хроніка захавалася толькі ў спісах XV ст., у ёй змешчана ваенная гісторыя Ордэна ў Прусіі, апісаныя прусы і іх паганскія культы. Застаецца нявызначаным месца напісання «Хронікі…» і месцы знаходжання аўтара. Паводле асноўных версій гэта маглі быць Рагніт, Кёнігсберг або Марыенбург (на апошні паказвае прысвячэнне «Хронікі…» Вялікаму Магістру Ордэна)

Літаратура

• Матузова В. И. Предисловие // Петр из Дусбурга. Хроника земли Прусской. М. Ладомир. 1997