Сокал-каршачок

Сокал-каршачок, Каршачок (нар.назвы: Аралок, карагольчык, кабец) — невялікая драпежная птушка з сямейства сакаліных, жыве на шырокай тэрыторыі Еўразіі і ў Паўночнай Афрыцы. Аддае перавагу светлым лясам у спалучэнні з адкрытымі ландшафтамі. На большай частцы арэала пералётная птушка, зімуе ў Афрыцы і трапічнай Азіі. Сілкуецца насякомымі і дробнымі птушкамі, якіх ловіць на ляту. На Беларусі малалікі, пералётны від. Занесены ў Чырвоную кнігу.