Дзева Марыя

Ікона Багародзіцы "Траеручніца"

Шаблон:Вызнч, постаць хрысціянскага веравучэння — маці Ісуса Хрыста.

У евангеллях пра яе сказана, што яна была дачкою Іякіма з Назарэта і ў 14-гадовым узросце заручана са старцам Іосіфам, у выніку бязгрэшнага зачацця ад Бога Марыя нарадзіла сына, прысутнічала пры пакаранні яго смерцю, памерла ва ўзросце 48 гадоў і была забрана на неба.

Культ маці-багіні, заступніцы чалавецтва, меў месца ў паганскіх традыцыях, таму шэраг даследчыкаў бачыць сувязь паганскіх вераванняў з хрысціянскім веравучэннем. У 4 ст. Марыя была аб'яўлена хрысціянскімі багасловамі найчысцейшай, вечна цнатлівай дзеваю, а на 3-ім Усяленскім саборы (Эфес, 431) афіцыйна прызнана Багародзіцай. У яе гонар хрысціянская царква ўстанавіла шэраг рэлігійных свят і прысвяціла вялікую колькасць ікон (лічыцца, што першую Яе ікону напісаў евангеліст Лука). Колькасць ікон Багародзіцы значна пераўзыходзіць колькасці ікон іншых постацей хрысціянскага веравучэння, нават Хрыста.

Вобраз маці-багародзіцы з дзіцем на руках быў шырока распаўсюджаны ў сярэднявечным мастацтве і ў эпоху Адраджэння.