Псарыяз

Псарыяз — хранічнае неінфекцыйнае захворванне, дэрматоз, які паражае ў асноўным скуру. У цяперашні час мяркуецца аўтаіммунная прырода гэтага захворвання. Звычайна псарыяз выклікае ўтварэнне празмерна сухіх, чырвоных, прыпаднятых над паверхняй скуры плям. Аднак некаторыя хворыя псарыязам не маюць ніякіх бачных паражэнняў скуры. Выкліканыя псарыязам плямы называюцца псарыятычнымі бляшкамі. Гэтыя плямы з'яўляюцца па сваёй прыродзе ўчасткамі хранічнага запалення і залішняй праліферацыяй лімфацытаў, макрафагаў і кератынацытаў у скуры, а таксама залішняга ангіёгенеза (утварэнне новых дробных капіляраў) у падлеглым пласце скуры.