Тысяча астравоў

Тысяча астравоў, англ.: Thousand Islands — прыродная славутасць Канады і ЗША. Уяўляе сабою архіпелаг астравоў, якія цягнуцца ўздоўж мяжы Канады і ЗША па рацэ Святога Лаўрэнція ў месцы яе вытока з паўночнага захаду возера Антарыа. Архіпелаг распасціраецца на даўжыню ў 80 км уніз па цячэнню ад г. Кінгстан, Антарыа. Канадская частка астравоў знаходзіцца на тэрыторыі правінцыі Антарыа, а амерыканская — на тэрыторыі штата Нью-Ёрк. Агульны лік астравоў — 1793, іх памер вагаецца ад 40 квадратных міль да невялікіх участкаў зямлі, куды зрэдку залятаюць пералётныя птушкі. Колькасць астравоў вызначаецца зыходзячы з крытэрыя круглагоднага знаходжання над вадой участку тэрыторыяй не меней квадратнага фута (каля 0,1 кв.м.), дзе можа размясціцца хоць бы адно дрэва.

Дно паміж астравамі вельмі плыткае і камяністае, таму сплаў па пралівах абцяжараны, а ў начны час і небяспечны.

Тысяча астравоў былі вельмі папулярныя як курорт у канцы 19 — пачатку 20 стагоддзя. Тут збудаваў свой замак гасцінічны магнат Больт, які закінуў яго пасля смерці жонкі. Тутака ж знаходзіцца музей старадаўніх караблёў у Клейтане. Яшчэ адно знакамітае збудаванне — Замак карпарацыі «Зінгер» (en:Singer Castle) на Цёмным востраве, які ў гэты момант адкрыты для турыстаў.

Галерэя выяў[правіць | правіць зыходнік]

Некаторыя з Тысячы астравоў: від з боку штата Нью-Ёрк на Антарыа
Дом на адным з астравоў
Адзін з самых маленькіх астравоў. Носіць назву "Проста досыць месца" ("Just Room Enough").
Від з паветра на замак гасцінічнага магната Больта
Заход над адным з самых маленькіх з Тысячы астравоў: на ім знаходзяцца адно дрэва і два кусты.
Замак карпарацыі "Зінгер"