Прагляд зыходнага тэксту старонкі Герб Германіі

[[Выява:Coat of arms of Germany.svg|thumb|200px|Герб [[Германія|ФРГ]]]]
'''Герб Германіі''' — афіцыйны дзяржаўны знак [[Германія|Федэратыўнай рэспублікі Германіі]]. Выява ўяўляе сабой чорнага арла з чырвонымі лапамі на залатым фоне.

== Гісторыя ==
На гербе Федэратыўнай Рэспублікі Германія намаляваны арол. Гэтая птушка ўслаўлялася людзьмі з найстаражытных часоў, быўшы знакам мужнасці, жыццёвай сілы і сонца. У часы Карла Вялікага чорны арол на залатым фоне быў прызнаны гербам [[Свяшчэнная Рымская імперыя|Свяшчэннай Рымскай імперыі]]. Праўда, з XV стагоддзя знакам імператара Свяшчэннай Рымскай імперыі становіцца двухгаловы арол з адзінай каронай над двума галовамі. Пазней, у XIX стагоддзі [[двухгаловы арол]] становіцца знакам улады (гербам) Аўстра-Венгрыі, а ў часы агульнагерманскага парламента (1848 год) (Paulskirchenparlament) — гербам германскага рэйха. У гербах шматлікіх каралеўстваў, герцагстваў і графстваў акрамя арла выкарыстоўваліся іншыя знакі: ключы, крэпасці, мядзведзі, львы, кароны і шматлікае іншае. Арол як дзяржаўны знак працягвае сваю гісторыю і ў часы аб'яднанага германскага рэйха (1871—1918 г.г.), і ў часы [[Веймарская рэспубліка|Веймарскай рэспублікі]] (1918—1933 г.г.). Нацысты таксама выкарысталі выяву арла са свастыкай у кіпцюрах як дзяржаўны знак сваёй улады.
Арол на гербе кайзераўскай Германіі меў карону. У рэспубліканскія часы [[карона]] як знак манархіі назаўжды знікла з германскага герба. Пасляваенная Германія пераняла выяву арла як дзяржаўны знак у Веймарскай рэспублікі.

Эскіз цяперашняга герба быў выкананы мастаком Табіасам Швабам яшчэ ў [[1926]] годзе. Цяперашні германскі арол мае карацейшы хвост і не так дэталёва прамаляваныя пёры. Ды і сама выява стала больш умоўнай, чым у часы Веймарскай рэспублікі. Як герб краіны арол быў уведзены Федэральным прэзідэнтам Германіі [[Тэадор Хойс|Тэадорам Хойсам]] 20 студзеня 1950 г. Тэкст апісання герба быў практычна без змен пераняты з апісання герба Веймарскай рэспублікі, толькі слова «рэйx» было заменена на слова «бунд».

Для выявы арла на дзяржаўных пячатках, сцягах, манетах і паштовых марках былі таксама выкарыстаныя эскізы часоў Веймарскай рэспублікі.

== Гл. таксама ==
* [[Галерэя дзяржаўных гербаў з выявай арла]]
* [[Сцяг Германіі]]

== Спасылкі ==
* [http://www.statesymbol.ru/abroad/world/20050816/39599084.html Дзяржаўныя знакі Германіі]

{{Еўропа па тэмах|тэма=Герб|загаловак=Гербы}}

[[Катэгорыя:Дзяржаўныя сімвалы Германіі]]
[[Катэгорыя:Гербы дзяржаў|Германія]]
[[Катэгорыя:Пячаткі дзяржаў|Германія]]